تۇركىستان وبلىسىندا سۋ تاسقىنىنان ەۆاكۋاسيالانعان ساۋران اۋدانىنىڭ تۇرعىندارى بىرتىندەپ ۇيلەرىنە ورالىپ جاتىر. بۇل تۋرالى توتەنشە جاعدايلار مينيسترلىگىنىڭ باسپا ءسوز قىزمەتى حابارلادى.
مينيسترلىك ساۋران اۋدانىندا ءالى دە سۋدى بۇرۋ جۇمىستارى جۇرگىزىلىپ جاتقانىن، 200-گە جۋىق اۋلا سۋدان تازارتىلعانىن ءمالىم ەتتى. جالپى 85 اۋلا اۋماعىنان 197 تەكشە مەتر سۋ سورىپ شىعارىلدى.
"تجم جانە جاو كۇشتەرىمەن ۇيلەردى سۋ باسۋ سالدارىن بولدىرماۋ جانە ازايتۋ ماقساتىندا اۋلا اۋماقتارىنان سۋدى سورىپ شىعارۋ جۇمىستارى جۇرگىزىلۋدە، قۇم سالىنعان قاپتاردى توسەۋ جانە سۋ بۇرۋ ارنالارىن تازارتۋ جۇمىستارى جۇرگىزىلۋدە. بارلىعى 15 300 قاپ توسەلدى" دەلىنگەن حابارلامادا.
«بىرلەسىپ ارەكەت ەتۋدىڭ ارقاسىندا مايدانتال اۋىلىنىڭ سۋعا كەتۋىنە جول بەرمەدىك. قۇتقارۋشىلار مەن جاو تاۋلىك بويى جۇمىس جاساۋدا. 200-دەن استام ادام جانە 800 باس ۇقم ءقاۋىپسىز جەرگە كوشىرىلدى. ينەرتتى ماتەريالى بار 13 مىڭنان استام قاپ قويىلدى»، - دەلىنگەن مينيسترلىك حابارلاماسىندا.
پىكىر قالدىرۋ