ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، جىل باسىنان بەرى 1 539 ەتنيكالىق قازاق تاريحي وتانىمەن تابىسىپ، قانداس مارتەبەسىن العان.
جالپى 1991 جىلدان بەرى 1 ميلليون 108،5 مىڭ ەتنيكالىق قازاق ەلگە ورالدى. قازاقستانعا ورالعان قانداستاردىڭ جارتىسى (50%) – وزبەكستاننان، 16،3% – قىتايدان، 15،9% – رەسەيدەن، 8،4% – تۇرىكمەنستاننان، 4،5% – موڭعوليادان جانە 4،9% باسقا ەلدەردەن كەلگەن.
ەتنيكالىق قازاقتار نەگىزىنەن الماتى، ماڭعىستاۋ، تۇركىستان جانە جامبىل وبلىستارىنا، سونداي-اق استانا، الماتى جانە شىمكەنت قالالارىنا قونىستاندى.
ەڭبەككە قابىلەتتى جاستاعى ەتنيكالىق قونىس اۋدارۋشىلار 69،1 پايىز. ەڭبەككە قابىلەتتى جاستان كىشىسى 22،7 پايىزدى، زەينەتكەرلەر 8،2 پايىزدى قۇرايدى. ەڭبەككە قابىلەتتى جاستاعى كانديداتتاردىڭ ىشىنەن ءبىلىم دەڭگەيى بويىنشا 20،1 پايىزىنىڭ ءبىلىمى جوعارى، 40،9 پايىزى – ورتا كاسىبي ءبىلىمدى، 35،2 پايىزى جالپى ورتا ءبىلىمدى جانە 3،8 پايىزىنىڭ ءبىلىمى جوق.
پىكىر قالدىرۋ