رينات زايىتوۆ Instagram پاراقشاسىندا "امانات" پارتياسى ماجىلىسكە ۇسىنىپ وتىرعان تىزىمنەن تابىلۋىنا بايلانىستى پىكىر ءبىلدىردى.

"ءومىر جولى شىنىمەن بۇرالاڭ-اۋ. ءدال مەن "امانات" پارتياسىنىڭ قۇرامىندا بولادى دەپ سىزدەردىڭ مۇلدەم ويلاماعاندارىڭىز ايتپاسا دا تۇسىنىكتى. "بۇل قالاي بولىپ كەتتى؟"- دەگەن سۇراقتارىڭىزعا ءبىرىنشى ءوزىم جاۋاپ بەرەيىن.

وسى سايلاۋعا دەيىن ءتۇرلى جەردە ەلدىڭ ءسوزى سويلەتەتىن بولسا، كەز-كەلگەن مۇمكىندىكتەن باس تارتپايتىنىمدى ايتىپ جۇرگەنىمدى اڭعارعان شىعارسىزدار؟ سول مۇمكىندىكتىڭ ۇلكەنى وسى "امانات". كوڭىلىمدەگى كۇننەن كۇنگە سونە باستاعان ءۇمىت قايتا تۇتاندى. سەبەبى وسى ۋاقىتقا دەيىن ءوز باسىم اتى مەن زاتىنان اۋلاق جۇرگەن پارتيا اۋەلى اتىن وزگەرتكەندە كۇمانمەن قابىلداپ ەدىم. بۇگىن سول "امانات" پارتياسى قازاقستان مەملەكەتىنە وڭدى وزگەرىس جاساعىسى كەلەتىنىن كوزىمە كورسەتتى، – دەپ جازدى ايتىسكەر.

ول پارتيا قۇرامىنىڭ وزگەرۋى ويىن وزگەرتكەنىن اتاپ ءوتتى.

"قۇرامىن 75% جاڭارتقان پارتيادا: ەرلان سايىروۆ، امانجول ءالتاي سەكىلدى اعالارىمدى اسحات ايماعامبەتوۆ، ماقسات تولىقباي، نارتاي ارالبايداي زامانداس-باۋىرلارىمدى كوردىم. بۇل دەگەنىمىز، ەرلان جاقان ۇلى قوشانوۆتىڭ جاڭاشا ىسكە كىرىسۋگە جانە جاڭا ساياسي مادەنيەت قالىپتاستىرۋعا دايىن ەكەنىن بىلدىرەدى. وزىمە دە سول وزگەرىسكە قاتىسۋدىڭ ءساتىن تۋدىردى. نەگە تارتىنۋىم كەرەك؟ ءيا، مەن ءوز وتانىمنىڭ ادىلەتتى، تۇراقتى، ءبىر ءتىلدى، ءبىر مۇددەلى شىنىمەن زايىرلى مەملەكەت بولعانىن ارماندايمىن. سول ءۇشىن دە ماعان بۇل – ءوز ويلارىمدى ءتيىستى جەرگە جەتكىزۋگە اپاراتىن توتە جول. ەندەشە ودان قۇر قىرسىقتىقپەن باس تارتۋ اقىلدىنىڭ ءىسى ەمەس. ەڭ باستىسى، ءماجىلىس مىنبەرىنەن ويىمدى جەتكىزۋ. ەندىگى مىندەت پارتيانىڭ عانا ەمەس، مەملەكەتتىڭ دە كەلەشەك جۇمىستارىنا بىلگەنىمنىڭ شەڭبەرىندە ۇلەس قوسۋ. باسقاسىنىڭ ءبارى جاي ءسوز! ءبىز اماناتقا وزگەرۋ ءۇشىن ەمەس، وزگەرتۋ ءۇشىن كەلدىك، –دەلىنگەن جازبادا.