تۇركيادا ءزىلزالادان قازا بولعاندار سانى 12،3 مىڭنان استى، دەپ جازادى انادولى اگەنتتىگى.

توتەنشە جاعدايلار مەن اپاتتار جونىندەگى باسقارما جەر سىلكىنىسىنەن 12 391 ادام قازا تاۋىپ، 62 914 ادام جاراقات العانىن حابارلادى. دالادا قالعان حالىقتى ورنالاستىرۋ ءۇشىن شاتىرلار تىگىلگەن. 

AFAD دەرەگىنە سايكەس، 6 اقپان كۇنى تۇركيانىڭ كاحرامانماراش-پازاردجيك اۋدانىندا قۋاتى 7،7 باللدى، ەلبيستاندا 7،6 باللدى قۇراعان ەكى ءزىلزالا بولىپ، ءدۇمپۋ ەلدىڭ 10 پروۆينسياسىندا، كورشىلەس سيريادا سەزىلگەن.

كەشە جەر سىلكىنىسى تاعى قايتالانعان. ونىڭ ماگنيتۋداسى 5،4 بالعا جەتكەن.

ۇيىندىلەردى ارشۋ تاۋلىك بويى ءجۇرىپ جاتىر. كەشە تۇركيانىڭ قازاقستانداعى ەلشىسى جەر سىلكىنىسىنەن كەيىن 4 قازاقستاندىقتىڭ جوعالىپ كەتكەنىن مالىمدەگەن. ونىڭ ءبىرى – سابيرا مامادياروۆا ءۇيىندى استىنان امان تابىلدى. وزگەلەرى ءالى ىزدەستىرىلىپ جاتىر.