پرەزيدەنت قاسىم-جومارت توقايەۆ توتەنشە جاعدايلار ءمينيسترى يۋريي ءيليندى قابلدادى، دەپ حابارلادى اقوردانىڭ باسپا ءسوز قىزمەتى.
كەزدەسۋ بارىسىندا توقايەۆ سيرياعا گۋمانيتارلىق كومەك جىبەرۋدى تاپسىرعان.
"پرەزيدەنت ۇكىمەتكە يسلام ىنتىماقتاستىق ۇيىمى ارقىلى سيرياعا گۋمانيتارلىق كومەك جىبەرۋدى تاپسىردى" دەلىنگەن حابارلامادا.
سونداي-اق پرەزيدەنتكە تۇركيانىڭ جويقىن جەر سىلكىنىسىنەن زارداپ شەككەن ايماقتارىندا قازاقستاندىق قۇتقارۋشىلاردىڭ جۇرگىزىپ جاتقان ىزدەستىرۋ-قۇتقارۋ جۇمىستارى تۋرالى باياندالعان.
قازىرگى ۋاقىتتا تۇركيادا قازاقستاندىق قۇتقارۋشىلاردىڭ ەكى توبى قۇتقارۋ جۇمىستارىمەن اينالىسىپ جاتىر.
پىكىر قالدىرۋ