قازاقستاننىڭ تۇڭعىش پرەمەر-مينيسترى سەرگەي تەرەششەنكو 72 جاسقا قاراعان شاعىندا قايتىس بولدى.
ول 1951 جىلى 30 ناۋرىزدا رەسەي فەدەراسياسىنىڭ پريمورسك ولكەسىندەگى لەسوزاۆودسكيي قالاسىندا دۇنيەگە كەلگەن. ەكونوميكا عىلىمدارىنىڭ كانديداتى، حالىقارالىق اقپاراتتاندىرۋ اكادەمياسىنىڭ اكادەميگى.
قازاق اۋىل شارۋاشىلىعى ينستيتۋتىن "ينجەنەر-مەحانيك" ماماندىعى بويىنشا، سونداي-اق الماتى جوعارى پارتيا مەكتەبىن جانە رەسەي عىلىم اكادەمياسىنىڭ ەكونوميكا ينستيتۋتىن بىتىرگەن. ەڭبەك جولىن شىمكەنت وبلىسى تۇلكىباس اۋدانىندا كۋيبىشيەۆ اتىنداعى ۇجىمشاردىڭ باس ينجەنەرى بولىپ باستاعان.
سەرگەي تەرەششەنكو 1991 جىلدىڭ 16 جەلتوقسانىنان 1994 جىلدىڭ 14 قازانىنا دەيىن قازاقستاننىڭ پرەمەر-مينيسترى بولعان.
پىكىر قالدىرۋ