اقەركە احمەتوۆا ادىلەت ۆيسە-مينيسترى قىزمەتىنەن بوساتىلدى. بۇل تۋرالى primeminister.kz سايتى حابارلادى.
"ق ر ۇكىمەتىنىڭ قاۋلىسىمەن اقەركە ەستاي قىزى احمەتوۆا باسقا جۇمىسقا اۋىسۋىنا بايلانىستى ق ر ادىلەت ۆيسە-مينيسترى قىزمەتىنەن بوساتىلدى"، - دەلىنگەن حابارلامادا.
اقەركە احمەتوۆا 1975 جىلى الماتى قالاسىندا تۋعان. ش. ءۋاليحانوۆ اتىنداعى كوكشەتاۋ پەداگوگيكالىق ينستيتۋتىن، ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، كوكشەتاۋ ۋنيۆەرسيتەتىن، ق ر پرەزيدەنتى جانىنداعى مەملەكەتتىك باسقارۋ اكادەمياسىن، بولاشاق باعدارلاماسى بويىنشا ۇلىبريتانيانىڭ Sheffield ۋنيۆەرسيتەتىن بىتىرگەن.
ەڭبەك جولىن 1991 جىلى باستاعان. ءتۇرلى جىلدارى كوممەرسيالىق سالادا جۇمىس ىستەگەن.
2000 جىلدان باستاپ ق ر ادىلەت مينيسترلىگىنىڭ قۇرىلىمىندا جۇمىس ىستەيدى. باس مامان، حالىقارالىق كەلىسىمشارتتار جوبالارىن ساراپتاۋ ءبولىمىنىڭ باسشىسى، دەپارتامەنت ديرەكتورىنىڭ ورىنباسارى قىزمەتتەرىن اتقارعان.
2015-2017 جىلدارى - ق ر ادىلەت مينيسترلىگىنىڭ حالىقارالىق قۇقىق جانە ىنتىماقتاستىق دەپارتامەنتىنىڭ ديرەكتورى.
2019 جىلدىڭ قىركۇيەگىنەن باستاپ وسى ۋاقىتقا دەيىن ادىلەت ۆيسە-مينيسترى قىزمەتىن اتقارعان.
پىكىر قالدىرۋ