شىمكەنت قالاسىندا "AYBA-جانۇيا" قارجى پيراميداسىن قۇرۋ جانە باسقارۋ بويىنشا قىلمىستىق ءىس قوزعالدى، دەپ حابارلادى قارجىلىق مونيتورينگ اگەنتتىگى.
جەكەمەنشىك فيرما ويدان شىعارىلعان شارتتارمەن ازاماتتارعا باسپانا الۋعا كومەكتەسۋگە جارناما جاساعان. تالاپ بويىنشا ينۆەستور 5 000 تەڭگە سالىپ، ودان كەيىن بەس نەمەسە ودان دا كوپ ادامدى تارتۋى كەرەك.
"ادامداردى تارتقاننان كەيىن سالىمشىعا سالعان سوماسى قايتارىلادى جانە سىيلىق بەرىلەدى. بەلگىلى ءبىر دەڭگەيگە جەتكەن سوڭ سالىمشىعا پاتەر نەمەسە 10 ميلليون تەڭگە ۋادە ەتىلگەن"، - دەلىنگەن رەسمي حابارلامادا.
قازاقستاندا قارجىلىق (ينۆەستيسيالىق) پيراميدا قۇرعانى ءۇشىن 10 جىلعا دەيىن باس بوستاندىعىنان ايىرۋ جازاسى قاراستىرىلعان. كىنالى ادامنىڭ مۇلكى تاركىلەنەدى.
پىكىر قالدىرۋ