كەشە تۇرمەدەن بوساپ شىققان قىرعىزستاننىڭ ەكس-پرەزيدەنتى المازبەك اتامبايەۆ دۋبايعا ۇشىپ كەتتى، دەپ حابارلادى قىرعىزستاندىق 24.kg پورتالى. ونىڭ جانىندا ۇلى قادىربەك بار.
"المازبەك اتامبايەۆ بىشكەك – دۋباي باعىتى بويىنشا 6.34-تە ۇشىپ كەتتى. سودان كەيىن ول ەمدەلۋ ءۇشىن يسپانياعا ۇشادى"دەلىنگەن رەسمي حابارلامادا.
2020 جىلدىڭ ماۋسىمىندا 11 جىلعا باس بوستاندىعىنان ايىرىلعان المازبەك اتامبايەۆ بىرەر كۇن بۇرىن بوستاندىققا شىققان. وعان بىشكەك ماڭىنداعى كولونيادا جاپپاي تارتىپسىزدىك ۇيىمداستىردى دەگەن ايىپ تاعىلىپ 16 جىل 8 ايعا سوتتالعان قىلمىس الەمىنىڭ اۆتوريتەتى ازيز باتۋكايەۆتىڭ مەرزىمىنەن بۇرىن تۇرمەدەن شىعۋىنا كومەكتەستى دەگەن ايىپ تاعىلعان بولاتىن. بىشكەك قالاسىنىڭ پەرۆوماي اۋداندىق سوتىنىڭ شەشىمىمەن وعان ەمدەلۋ ءۇشىن شەت ەلگە شىعۋعا رۇقسات بەرىلگەن.
پىكىر قالدىرۋ