زاڭگەر اننا ديميترييەۆيچ كۇيەۋىن قازاقستاننىڭ ەڭبەك سىڭىرگەن جاتتىقتىرۋشىسى داۋلەت تۇرلىحانوۆتىڭ ۇلى سوققىعا جىققانىن ايتىپ شاعىمداندى.
زاڭگەردىڭ سوزىنشە، كۇيەۋى ەكەۋى تاكسيگە مىنگەلى جاتقاندا بەيتانىس جىگىت جۇگىرىپ كەلىپ، الدەكىم ءبىر قىزدى ۇرىپ جاتقانىن ايتىپ، كومەك سۇراعان. كومەكتەسۋگە بارعانىندا قىزدى ۇرىپ جاتقان جىگىت وزدەرىن باس سالعان.
"ولەگ سوققىدان قۇلاپ قالدى. ورنىنان تۇرايىن دەگەندە، تەبە جونەلدى. كۇيەۋىمنىڭ باسىن فۋتبول دوبى سەكىلدى تەپتى. ونى توقتاتۋعا تىرىسقانىمدا ءوزىمدى مەنى دە ۇرىپ، ونىڭ سوققىسىنان اسفالتقا ۇشىپ ءتۇسىپ، ەسىمنەن تانىپ قالدىم. ەسىمدى جيعان كەزدە پوليسيا قىزمەتكەرلەرىنىڭ كەلگەنىن بايقادىم. كەيىن ونىڭ دوستارى قوسىلىپ، پوليسەيلەردىڭ كوزىنشە ولەگكە قوقان-لوقى كورسەتىپ جاتتى. ارتىنشا الگى جىگىت تانىمال سپورتشى داۋلەت تۇرلىحانوۆتىڭ ۇلى نۇراسىل ەكەنىن ءبىلدىم. ولار كەشىرىم سۇرايتىن شىعار دەپ ويلاعانمىن، ولاي بولمادى" دەپ جازدى زاڭگەر facebook پاراقشاسىندا.
الماتى پوليسياسى سوققىعا جىعىلعان زاڭگەرلەردىڭ ارىزى بويىنشا قىلمىستىق ءىس قوزعالعانىن حابارلادى.
"الماتى قالالىق پوليسيا دەپارتامەنتى اتالعان دەرەك ق ر قك-نىڭ 293-بابى "بۇزاقىلىق" بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەنىن حابارلايدى. قىلمىستىق ءىس بويىنشا العاشقى تەرگەۋ ارەكەتتەرى جۇرگىزىلىپ، ساراپتامالار تاعايىندالدى" دەلىنگەن پوليسيا حابارلاماسىندا.
پوليسيا دەپارتامەنتىنىڭ مالىمەتىنشە، كۇدىكتى اسكەري ادام.
پىكىر قالدىرۋ