قازاقستاننىڭ ەڭبەك سىڭىرگەن سپورت شەبەرى داۋلەت تۇرلىحانوۆ زاڭگەرلەردى سوققىعا جىققان ۇلى نۇراسىل تۇرلىحانوۆتىڭ كىناسى دالەلدەنسە، زاڭدى تۇردە جازالاناتىنىن ايتتى. سونداي-اق ول ۇلىنىڭ ارەكەتى ءۇشىن كوپشىلىكتەن كەشىرىم سۇرادى.
"اقپاننىڭ 11-نە قاراعان ءتۇنى الماتىدا مەنىڭ ۇلىم مەن زاڭگەرلەردىڭ اراسىندا بولعان وقيعاعا قاتىستى پىكىر ءبىلدىرۋدى ءجون دەپ تاپتىم. مەنىڭ ۇلىم نۇراسىل كامەلەت جاسىنا تولعان ازامات، ەگەر ونىڭ كىناسى دالەلدەنسە وعان قازاقستان رەسپۋبليكاسىنىڭ زاڭدارىنا سايكەس ءتيىستى شارا قولدانىلادى. سونىمەن بىرگە مەن ۇلىمنىڭ ارەكەتى ءۇشىن كەشىرىم سۇرايمىن"، دەپ جازدى تۇرلىحانوۆ.
11 اقپاندا ەرلى-زايىپتى ادۆوكاتتار اننا ديميترييەۆيچ پەن ولەگ چەرنوۆ الدەكىمنىڭ ءبىر قىزدى ۇرىپ جاتقانىن كورىپ، قىزعا اراشا تۇسپەك بولعانىندا وزدەرى سوققىعا جىعىلعان. ارتىنشا زاڭگەرلەردى ۇرعان ادام نۇراسىل تۇرلىحانوۆ ەكەنىن بەلگىلى بولدى.
پىكىر قالدىرۋ