قىرعىزستان پرەزيدەنتى سادىر جاپاروۆ ەكس-پرەزيدەنت المازبەك اتامبايەۆتىڭ بوستاندىققا شىعۋىنا بايلانىستى پىكىر ءبىلدىردى، دەپ جازادى Sputnik كىرگىزستان سايتى.
"بۇل شەشىمدى سوت پەن قۇقىق قورعاۋ ورگانى قابىلدادى. سوت شەشىمىنە قارسى كەلە المايمىز. زاڭ شەڭبەرىندە ءومىر ءسۇرۋدى دە ۇيرەنگەن ءجون. وتكەن جىلى سوت اتامبايەۆتى قازان ايىنداعى وقيعالار، مەكتەپ سالۋ، شەتەلدىكتەرگە ءتولقۇجات بەرۋ تۋرالى قىلمىستىق ىستەر بويىنشا اقتادى. سول كەزدە دە سوت شەشىمىنە قارسى شىقپايتىنىمدى ايتقانمىن. مەن تۇرمەدە جاۋىمنىڭ دا وتىرعانىن قالامايمىن. اللا تاعالا پايعامبارعا "مەن سابىر ەتۋشىلەردىڭ، كەشىرىمشىلدەردىڭ جاعىندامىن" دەپ ايتقان. كەشىرە ءبىلۋ قاجەت"، دەيدى قىرعىزستان پرەزيدەنتى.
بۇعان دەيىن المازبەك اتامبايەۆتىڭ بوستاندىققا شىعا سالا، دۋبايعا كەتكەنى، ودان ءارى ەمدەلۋ ءۇشىن يسپانياعا باراتىنى حابارلانان.
پىكىر قالدىرۋ