حالىقارالىق ەڭبەك ۇيىمىنىڭ «2022-2023 جىلدارعا ارنالعان جاھاندىق جالاقى تۋرالى ەسەپ» بايانداماسىنا سايكەس، 2006-2019 جىلدار ارالىعىندا الەمدە ناقتى ايلىق جالاقىنىڭ ورتاشا جىلدىق ءوسىمى (ينفلياسيانى ەسكەرە وتىرىپ، ساتىپ الۋ قابىلەتىنىڭ وزگەرۋى) 2%-دى قۇراعان. 2020 جىلعى «كوروناداعدارىس» كەزىندە ءوسىم 2019 جىلعى «كوروناداعدارىس» الدىنداعى ۋاقىتقا (2%) قاراعاندا 1،5%-عا دەيىن تومەندەسە، 2021 جىلى 1،8% دەيىن وسكەن، دەپ حابارلادى Ranking.kz پورتالى.

بۇل رەتتە 2022 جىلدىڭ ءبىرىنشى جارتىجىلدىعىندا 2021 جىلدىڭ سايكەس كەزەڭىمەن سالىستىرعاندا ورتاشا الەمدىك ناقتى جالاقى 0،9%-عا تومەندەگەن. بۇل 2021 جىلى باستالىپ، 2022 جىلى جالعاسقان ينفلياسيانىڭ وسۋىمەن بايلانىستى. جالاقى ءداستۇرلى تۇردە جوعارى بولاتىن قىتايدى قوسپاعاندا، قىسقارۋ 1،4%-دى قۇرادى.

الەمنىڭ ەڭ ءىرى 20 ۇلتتىق ەكونوميكاسى كىرەتىن G20 ەلدەرىندەگى جالاقىنىڭ ساتىپ الۋ قابىلەتى 2022 جىلدىڭ ءبىرىنشى جارتىجىلدىعىندا الەمدىك ورتاشا كورسەتكىشپەن بىردەي 0،9% تومەندەدى. بۇل رەتتە ەو ەلدەرىندە جانە ۇلىبريتانيادا كورسەتكىش 2،2%، ۇلىبريتانيانى قوسپاعاندا ەو ەلدەرىندە 2،4% تومەندەدى.

ايماقتار بويىنشا 2022 جىلدىڭ ءبىرىنشى جارتىجىلدىعىندا ناقتى جالاقىنىڭ ەڭ ۇلكەن جىلدىق ءوسىمى ورتالىق جانە باتىس ازيادا بايقالدى: 2،5%. ودان كەيىنگى ورىندا ازيا-تىنىق مۇحيتى ايماعى: 1،3% (قىتايدى ەسەپتەمەگەندە، ءوسىم نەبارى 0،7%). وڭ كورسەتكىش اراب مەملەكەتتەرىندە دە بايقالدى: 1،2%.

باسقا ايماقتاردا جالاقى ناقتى ماندە تومەندەدى، ەڭ الدىمەن شىعىس ەۋروپادا: 3،3% ازايدى. ودان كەيىن سولتۇستىك امەريكادا ينفلياسيا ساتىپ الۋ قابىلەتىنىڭ تومەندەۋىنە اسەر ەتتى، سونداي-اق پاندەميادان كەيىن تومەن جالاقى الاتىن جۇمىسشىلار نارىققا ورالدى، ناتيجەسىندە ناقتى جالاقى 3،2% تومەندەدى. سولتۇستىك، وڭتۇستىك جانە باتىس ەۋروپا ەلدەرىندە ناقتى جالاقىنىڭ تومەندەۋىنە ەڭ الدىمەن ينفلياسيانىڭ ءوسۋى اسەر ەتتى، اتاپ ايتقاندا جالاقىنىڭ ساتىپ الۋ قابىلەتى 1،9% تومەندەدى. لاتىن امەريكاسى مەن كاريب باسسەينىندە 1،7%، افريكادا 0،5% تومەندەدى.

قازاقستاندا بىلتىر ينفلياسيا دەڭگەيى 20،3 پايىزعا جەتكەنىن ەسكەرسەك، ازاماتتاردىڭ جالاقىسى 20 پايىزعا قۇنسىزدانعان بولىپ وتىر.