سەنات ءتوراعاسى ماۋلەن اشىمبايەۆ پارلامەنتتىك تىڭداۋدا حالىقتىڭ كۇنكورىسى تومەندەگەنىن ايتتى. سپيكەردىڭ سوزىنشە، قازاقستاندىقتاردىڭ شامامەن 5%-ىنىڭ تابىسى ەڭ تومەنگى كۇنكورىس دەڭگەيىنەن اسپايدى.

"وڭىرلەردى دامىتۋ اياسىنداعى تاعى ءبىر ماڭىزدى مىندەت – حالىقتىڭ تابىسىن ارتتىرۋ. ازاماتتاردىڭ ءال-اۋقاتى جانە ولاردىڭ تابىسىن ارتتىرۋ – رەفورمالار تيىمدىلىگىنىڭ باستى كورسەتكىشى. "ادىلەتتى قازاقستاننىڭ" باستى تۇعىرىنىڭ ءبىرى – ۇلتتىق تابىستى ءادىل ءبولۋ. قازىرگى تاڭدا ەل حالقىنىڭ جارتىسى بارلىق كىرىستەردىڭ ۇشتەن بىرىنە عانا قول جەتكىزىپ وتىر. وكىنىشكە قاراي، 12 وڭىردە ازاماتتاردىڭ تابىسى از حالىقتىڭ سانى ۇلعايىپ كەلە جاتقانى بايقالىپ وتىر. باتىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ، تۇركىستان جانە باسقا دا وبلىستار تۋرالى ايتىپ وتىرمىز"، دەدى اشىمبايەۆ.