جۋرناليست ۆاديم بورەيكونىڭ وپەراتورىنا تيەسىلى كولىكتەردىڭ ورتەنۋىنە بايلانىس تەرگەۋ باستالدى. بۇل تۋرالى اقپارات جانە قوعامدىق دامۋ مينيسترلىگى ءمالىم ەتتى.
"الماتى قالاسىنىڭ ىشكى ىستەر دەپارتامەنتى سوتقا دەيىنگى تەرگەپ-تەكسەرۋ امالدارىن جاساپ، ءتيىستى ساراپتاما تاعايىندادى. ماسەلەنىڭ ءمان-جايى ناقتىلانىپ جاتىر. ق ر اقدم جۋرناليستىك قىزمەتكە كەدەرگى كەلتىرۋگە جول بەرمەيدى جانە بارلىق قاجەتتى كومەكتى كورسەتەدى" دەلىنگەن كوميتەت اقپاراتىندا.
جۋرناليست ۆاديم بورەيكو 20 اقپانعا قاراعان ءتۇنى وپەراتورىنىڭ ەكى كولىگى جارىلىپ كەتكەنىن، وقيعا ءۇيىنىڭ قاسىندا بولعانىن ايتقان.
سوڭعى ۋاقىتتا قازاقستاندا تاۋەلسىز جۋرناليستەر مەن رەداكسيالارعا شابۋىل جيىلەپ كەتتى. الدەكىمدەر ەل مەديا رەداكسياسىنىڭ تەرەزەسىن ەكى رەت سىندىرىپ كەتسە، وردا، ۇلىسمەديا پورتالى مەن سايت جەتەكشىلەرى بىرنەشە مارتە كيبەرشابۋىلعا ۇشىرادى. جۋرناليست دينارا ەگەۋبايەۆانىڭ كولىگىن ورتەپ كەتسە، تاعى ءبىر جۋرناليست سەرىك جولداسبايعا الدەكىم مەسسەندجەر ارقىلى قوقان-لوقى كورسەتكەن. جۋرنالسيت ميحايل كوزاچكوۆ قىلمىستىق ۇيىم جۇمىسىنا كومەكتەستى دەپ ايىپتالىپ وتىر.
پىكىر قالدىرۋ