ەلدە ءبىر جىلدا تاكسي اقىسى 12،2% قىمباتتاعان.

Energyprom.kz پورتالىنىڭ مالىمەتىنشە، ءوڭىرلەر بويىنشا ەڭ كوپ قىمباتشىلىق اتىراۋ وبلىسىندا بايقالعان. ءبىر جىلدا قىزمەت باعاسى بىردەن 37،5%-عا قىمباتتاعان. ودان كەيىن جەتىسۋ (33%) جانە اباي وبلىستارى (31،2%) تۇر.

ەڭ از جىلدىق ءوسىم اقمولا وبلىسىندا تىركەلدى: بار بولعانى 0،5%. تاعى ءۇش وبلىستا – قاراعاندى، تۇركىستان جانە ۇلىتاۋدا باعا ءبىر جىل بۇرىنعى دەڭگەيدە قالدى.

Numbeo دەرەكتەگىنشە، ستاندارتتى تاريفپەن 1 كم تاكسي قىزمەتى ەگيپەتتە (0،16 اقش دوللارى)، پاكىستاندا (0،19 اقش دوللارى) جانە بەلارۋستە (0،2 اقش دوللارى) ارزان بولىپ سانالادى.

ارزان ەلدەر وندىعىنا تمد-دان ارمەنيا مەن وزبەكستان (ءارقايسىسى 0،26 اقش دوللارى)، ۋكراينا، مولدوۆا جانە رەسەي (ءارقايسىسى 0،27 اقش دوللارى) كىرەدى. قازاقستان (0،44 اقش دوللارى) مەن ازەربايجاندا (0،59 اقش دوللارى) تاكسي قىزمەتى قىمباتىراق.

ەڭ جوعارى باعا شۆەيساريادا (4،25 اقش دوللارى)، كۋۆەيتتە (3،27 اقش دوللارى) جانە يامايكادا (3،26 اقش دوللارى) تىركەلگەن. 

2022 جىلدىڭ قاڭتار-جەلتوقسان ايلارىندا قازاقستاندا تاكسي قىزمەتىن ۇسىناتىن كومپانيالاردىڭ تابىسى ءبىر جىلدا 16% ءوسىپ، 5 ملرد تەڭگەگە جەتكەن.

ەڭ جوعارى كورسەتكىش قاراعاندى وبلىسىندا بايقالعان. بۇل سالاداعى كومپانيالاردىڭ تابىسى ءبىر جىل ىشىندە 49،5% ءوسىپ، 2،1 ملرد تەڭگەگە جەتكەن. ۇزدىك ۇشتىككە ەلوردا (1،1 ملرد تەڭگە، 0،2% كوبەيگەن) مەن الماتى (1 ملرد تەڭگە، 0،9% ازايعان) كىرگەن.