تۇركيادا بولعان ءزىلزالا قۇرباندارىنا كۇللى الەم قايعىرىپ جاتىر. بۇل ناۋبەت قازاق ەلىنىڭ دە قابىرعاسىن قايىستىردى. باۋىرلاس تۇرىك اعايىنعا رۋحاني قولداۋ ءبىلدىرۋ، دەمەۋ بولۋ، كوڭىل ايتۋ نيەتىنەن "جالعىز ەمەسسىڭ، جاقىنىم" اتتى ءان تۋىپ، وعان بەينەبايان ءتۇسىرىلدى.
بەينەبايان قازاق-تۇرىك دوستىعى، قازاقستان قيىن شاقتا تۇركياعا سۇيەۋ بولۋعا، كەز كەلگەن جاعىنان دەمەۋگە دايىن دەگەن يدەيالاردى ارقاۋ ەتكەن.
ءاننىڭ ءسوزىن "قامشى" اقپارات اگەنتتىگىنىڭ جەتەكشىسى ءبىلال قۋانىش، اۋەنىن ءانشى ۇشقىن جامالبەك جازىپ، ورىندايدى.
6 اقپان تۇنگى ۋاقىتتا تۇركيانىڭ وڭتۇستىك-شىعىسى مەن سيريانىڭ سولتۇستىك-باتىسىندا ەكى قۋاتتى جەر سىلكىنىسى بولىپ، 46 مىڭعا جۋىق ادام وپات بولدى. 20 اقپان تۇركيادا ماگنيتۋداسى 6،4 جانە 5،8 بالدىق تاعى ەكى جەر سىلكىنىسى بولىپ، ءۇش ادام قازا تاپتى. تابيعي اپات سالدارىنان تۇتاس اۋداندار مەن قالاشىقتار قيراپ، مىڭداعان ادام ءۇيسىز قالدى. ءزىلزالا سالدارىن جويۋعا بۇكىل الەم اتسالىسىپ، گۋمانيتارلىق، قارجىلاي كومەك جولداپ، قۇتقارۋشىلارىن جىبەرىپ جاتىر.
پىكىر قالدىرۋ