جامبىل وبلىسىندا كوكتەمگى سۋ تاسقىنى كەزەڭىندە سۋ باسۋى مۇمكىن 42 ەلدىمەكەن ەسەپتە تۇر. بۇل تۋرالى جامبىل وبلىسى اكىمىنىڭ ورىنباسارى نۇرلان كالەندەروۆ ءمالىم ەتتى.
"وبلىس اۋماعىندا كوكتەمگى سۋ تاسقىنى كەزەڭىندە اكىمشىلىك اۋماقتارداعى سۋ باسۋى مۇمكىن 42 ەلدىمەكەن ەسەپتە تۇر. ەلدى مەكەندەردى سۋ تاسقىنىنان قورعاۋ ماقساتىندا، ءار جىل سايىن سۋ تاسقىنى جوسپارلارىنىڭ ورىندالۋ بارىسىندا، سۋ باسۋى مۇمكىن 42 ەلدىمەكەننىڭ 34-نەن ءقاۋىپ الىندى، 2 ەلدىمەكەننىڭ ءقاۋىپى تومەندەتىلدى، سۋ باسۋعا بەيىم تەك 6 ەلدى مەكەن قالدى، بۇل ەلدى مەكەندەر "2021-2023 جىلدارعا ارنالعان سۋ تاسقىنى ءقاۋپىنىڭ الدىن الۋ جانە جويۋ جونىندەگى شارالار كەشەنى" جول كارتاسىنا سايكەس ءىس-شارالار ىسكە اسىرىلۋ بارىسىندا تومەندەتىلۋى جوسپارلانۋدا" دەلىنگەن قامشىنىڭ رەسمي ساۋالىنا بەرىلگەن جاۋاپتا.
سونداي-اق حاتتا وبلىس اۋماعىندا 157 گيدروتەحنيكالىق قۇرىلىس بار ەكەنى ايتالىد. ونىڭ ىشىندە رەسپۋبليكالىق مەنشىكتە – 41، كوممۋنالدىق مەنشىكتە – 106، جەكە مەنشىكتە – 10.
"تاۋلى ايماقتارداعى ەلدى مەكەندەردى سۋ باسۋ قاۋپىنەن الدىن الۋ جانە جويۋ ماقساتىندا، اۋدان بيۋدجەتىنەن قاراجات ءبولىنىپ، كولبەۋ اعىنداردى ەلدى مەكەننەن بۇرۋ كانالدارىنا مەحانيكالىق تازالاۋ جانە قاجەتتى جاعدايدا قۇرىلىسىن سالۋ جۇمىستارى جۇرگىزىلۋدە. تاۋ بوكتەرىندە ۇزىندىعى 1305 كم بولاتىن 40 سۋ بۇرۋ كانالى تازارتىلۋ جۇمىستارى جۇرگىزىلۋدە. 2023 جىلعا ارنالعان سۋ تاسقىنىنا قارسى ءىس-شارالار جوسپارىنا سايكەس، وبلىس اۋماعىندا كانالداردى، درەناج كانالداردى، ارىق جەلىلەرىن جانە سۋ وتكىزۋ قۇرىلعىلارىن (كوپىرلەر جانە ت.ب.) تازارتۋ بويىنشا جۇمىستار جۇرگىزىلىپ، ءاردايىم قاتاڭ باقىلاۋدا. سونىمەن قاتار، وبلىس اۋماعىنداعى ەلدى مەكەندەردى سۋ باسۋ قاۋپىنەن الدىن الۋ ءۇشىن 7،000 م3 قار شىعارىلدى" دەلىنگەن جاۋاپتا.
پىكىر قالدىرۋ