2016 جىلدان بەرى قازاقستان حالقى اسسامبلەياسىنىڭ قۇرىلعانىنا وراي 1 ناۋرىز – "العىس ايتۋ" كۇنى بولىپ جاريالاندى. بۇل – ەلىمىزدەگى وزگە ۇلت وكىلدەرىنىڭ قازاق حالقىنا العىسىن ايتىپ، ريزاشىلىعىن بىلدىرەتىن كۇن. وسىعان وراي Qamshy.kz اقپارات اگەنتتىگى اباي پەداگوگيكالىق ۋنيۆەرسيتەتىنىڭ 1 كۋرس ستۋدەنتى راحيا مەرحاتقىزىنان شاعىن سۇحبات الدى. 

راحيانىڭ ۇلتى تاتار بولعانىمەن، قازاقشاسى – وتە جاقسى. كوبى قازاقشا ەركىن سويلەگىنىن كورىپ قازاق دەپ ويلايدى ەكەن. 

"ۇلتىمنىڭ تاتار ەكەنىن ەستىگەندە كوبىسى تاڭعالادى، ريزاشىلىعىن بىلدىرەدى. جالپى ءتىل ۇيرەنۋ قيىن بولمادى. اتا-انام قازاق مەكتەبىندە وقىتقاندىقتان، قازاق ءتىلدى ورتادا ءوستىم. ۇيدە دە قازاق-تاتار تىلىندە سويلەي بەرەمىز. كەيبىر وزگە ۇلت وكىلدەرى قازاقشا ۇيرەنۋدى قيىنسىنىپ جاتادى. مەن مۇنىمەن كەلىسپەيمىن. ۇيرەنۋگە نيەت بولسا جەتكىلىكتى"، دەيدى ستۋدەنت قىز. 

راحيا مەرحات قىزىنىڭ اتا-اناسى تىڭ يگەرۋ جىلدارى قازاقستانعا قونىس اۋدارعان. 

"اتا-انام قازاقستاندا وتاۋ قۇردى. ءوزىم سەمەي قالاسىندا دۇنيەگە كەلدىم. اكە-شەشەم ءمۇعالىم. 20 جىلدان بەرى ورىس مەكتەبىندە ساباق بەرىپ كەلەدى. قازاقستاندى قازاقتاردان كەم جاقسى كورمەيمىن. بولاشاقتا قانداي جوسپار قۇرسام دا، وسى ەلدە قالاتىنىما  سەنىمدىمىن. قازاقتار – وتە قوناقجاي حالىق. سوندىقتان بۇگىنگى العىس ايتۋ كۇنىن پايدالانىپ، بارشا تاتار ۇلتىنىڭ اتىنان قازاق حالقىنا شىن جۇرەكتەن العىس بىلدىرەمىن!"، دەپ ءسوزىن قورىتىندىلادى راحيا.