اشىق نقا پورتالىندا مەملەكەتتىك ستيپەنديالاردى تاعايىنداۋ، تولەۋ قاعيدالارىن جانە ولاردىڭ مولشەرلەرىن بەكىتۋ تۋرالى قاۋلىعا وزگەرىستەر ەنگىزۋدى كوزدەيتىن قاۋلى جوباسى جاريالاندى.
اتالعان جوباعا سايكەس، ەمتيحان سەسسيالارىن ۇزدىك تاپسىرعان ستۋدەنتتەردىڭ شاكىرتاقىسى 15%-عا وسەدى. بۇدان بولەك، مەملەكەتتىك ءبىلىم بەرۋ تاپسىرىسى بويىنشا ءبىلىم الۋشىلارعا اي سايىنعى مەملەكەتتىك ستيپەنديا مىناداي مولشەردە بەلگىلەنەدى:
- دايارلاۋدىڭ پەداگوگيكالىق باعىتتارىندا جانە "دەنساۋلىق ساقتاۋ" باعىتى بويىنشا ءبىلىم الاتىن ستۋدەنتتەردى قوسپاعاندا، جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەرگە – 41 898 تەڭگە؛
- پەداگوگيكالىق باعىتتاردا ءبىلىم الاتىن ستۋدەنتتەرگە – 67 200 تەڭگە؛
- "دەنساۋلىق ساقتاۋ" باعىتى بويىنشا ءبىلىم الاتىن ستۋدەنتتەرگە – 67 200 تەڭگە؛
- ينتەرندەرگە – 75 890 تەڭگە؛
- ماگيسترانتتارعا – 97 024 تەڭگە؛
- "نازاربايەۆ ۋنيۆەرسيتەتى" دەربەس ءبىلىم بەرۋ ۇيىمىندا ءبىلىم الاتىن ماگيسترانتتارعا – 162 500 تەڭگە؛
- دوكتورانتتارعا – 217 500 تەڭگە؛
- "دەنساۋلىق ساقتاۋ" باعىتى بويىنشا دوكتورانتتارعا – 217 500 تەڭگە؛
- "دەنساۋلىق ساقتاۋ" باعىتى بويىنشا رەزيدەنت-دارىگەرلەرگە جانە ماگيسترانتتارعا – 111 579 تەڭگە.
سونداي-اق، كەلەسى ساناتتارعا جاتاتىن ستيپەندياتتاردىڭ شاكىرتاقىسى ارتادى:
- جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن كورۋ قابىلەتى جاعىنان مۇگەدەكتىگى بار ادامدارعا جانە ەستۋ قابىلەتى جاعىنان مۇگەدەكتىگى بار ادامدار – 75%؛
- جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن، "ارداگەرلەر تۋرالى" ق ر زاڭىنا سايكەس جەڭىلدىكتەر بويىنشا ۇلى وتان سوعىسى كەزەڭىندە جارالانۋى، كونتۋزيا الۋى، مەرتىگۋى نەمەسە اۋرۋعا شالدىعۋى سالدارىنان بولعان مۇگەدەكتىگى بار ادامدارعا تەڭەستىرىلگەن ستۋدەنتتەر، ماگيسترانتتار جانە ينتەرندەر – 50%؛
- جەتىم بالالار مەن اتا-انالارىنىڭ قامقورلىعىنسىز قالعان جانە ازاماتتاردىڭ قامقورلىعىنداعى (قورعانشىلىعىنداعى) بالالار قاتارىنداعى جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن ستۋدەنتتەر، ماگيسترانتتار جانە ينتەرندەر – 30%؛
- جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ءبىلىم الاتىن، ەمتيحان سەسسياسىنىڭ ناتيجەلەرى بويىنشا تەك "ۇزدىك" دەگەن باعالارى بار ستۋدەنتتەر، ماگيسترانتتار (مەملەكەتتىك اتاۋلى ستيپەنديالار مەن ق ر پرەزيدەنتىنىڭ ستيپەنديالارىن الاتىن ستۋدەنتتەردەن باسقا) – 15%؛
ايتا كەتەيىك، قۇجات جوباسى 17 ناۋرىزعا دەيىن قوعامنىڭ جاريا تالقىسىنا ۇسىنىلعان. وزگەرىستەر قاۋلى العاشقى رەسمي جاريالانعان كۇننەن باستاپ قولدانىسقا ەنگىزىلەدى.
پىكىر قالدىرۋ