ەندى قوعامدىق ورىندا بالاعات ءسوز ايتقاندار 69 مىڭ ايىپپۇل تولەيدى. جۇڭگو جاقىن ارادا تايۆانعا باسىپ كىرۋى مۇمكىن. بۇل تۋرالى تولىعىراق Qamshy.kz اقپارات اگەنتتىگى حابارلايدى.
قازاقستان جاڭالىقتارى
قاراعاندى وبلىسىندا قىلمىستىق توپ مۇشەلەرى ۇستالدى
توپ مۇشەلەرى زاڭسىز قارۋ-جاراق پايدالانىپ، قىلمىستىق شابۋىلدار ۇيىمداستىرعان. توپ قۇرامىندا بۇرىنعى ءتارتىپ ساقشىلارى مەن كۇزەتشىلەر دە بار ەكەنى انىقتالدى. 40 ايىپتالۋشى پوليسيا بولىمشەسىنە جەتكىزىلىپ، قالعاندارىنا جەدەل ىزدەستىرۋ شارالارى جالعاسۋدا.
قوعامدىق ورىندا بالاعات سوزدەر ايتقاندارعا سالىناتىن ايىپپۇل 4 ەسەگە ءوستى
ەندى قوعامدىق ورىنداردا بالاعات ءسوز ايتقاندار 69 000 تەڭگە ايىپپۇل تولەيدى (بۇرىن 17 250 تەڭگە بولاتىن) نەمەسە 15 كۇنگە قاماۋعا الىنادى. وزگەرىستەر 6 ناۋرىزدان باستاپ كۇشىنە ەنەدى.
الماتىدا قار كوشكىنى بولۋ ءقاۋپى بار
توتەنشە جاعدايلار دەپارتامەنتىنىڭ باسپا ءسوز قىزمەتى 7 ناۋرىزعا دەيىن ۇلكەن جانە كىشى الماتى وزەندەرىنىڭ بويىندا قار كوشكىنى ءجۇرۋى مۇمكىن ەكەنىن حابارلادى. دەپارتامەنت الماتى تۇرعىندارىنا تاۋعا شىعۋدان باس تارتۋعا شاقىردى.
الەم جاڭالىقتارى
بانگلادەشتەگى ءورت بولىپ، مىڭداعان ادام باسپاناسىز قالدى
بانگلادەشتىڭ وڭتۇستىك-شىعىسىنداعى روحيندجا بوسقىندارىنىڭ لاگەرىندە بولعان ورتتەن مىڭداعان ادام باسپاناسىز قالدى. جەكسەنبى كۇنى تۇتانعان جالىن لاگەردەگى 2000-عا جۋىق باسپانانى شارپىعان. ءورتتىڭ شىعۋ سەبەبى بەلگىسىز، زارداپ شەككەندەر جوق.
گرەكياداعى پويىز اپاتىنان كەيىن شەرۋلەر جالعاسۋدا
وتكەن اپتادا گرەكيادا بولعان پويىز اپاتىنان كەيىنگى شەرۋلەر ءالى دە جالعاسۋدا. شەرۋگە شىققاندار سانى 12 مىڭعا جەتتى. پوليسيا ايتۋىنشا، 7 وفيسەر جارالانىپ، 5 ادام قاماۋعا الىنعان. گرەكيا پرەمەر-مينيسترى كيرياكوس ميسوتاكيس پويىز اپاتى ءۇشىن زاردان شەككەندەردىڭ وتباسىنان كەشىرىم سۇرادى.
قىتايدىڭ اسكەري شىعىندارى 7 پايىزعا ارتقان
بۇل جايلى بۇكىلقىتايلىق حالىق وكىلدەرىنىڭ جينالىسىنداعى مالىمدەمەدە ايتىلدى. ال اقش شەنەۋنىكتەرى جۇڭگو تاياۋ جىلدارى تايۆانعا باسىپ كىرۋى مۇمكىن دەپ ەسكەرتۋدە. ءقازىر جۇڭگو تايۆان توڭىرەگىندە اۋە جانە تەڭىزدە اسكەري دەمونستراسيالار وتكىزىپ جاتىر.
پىكىر قالدىرۋ