2017 جىلى نيۋ-يوركتە ءبىر توپ ادامدى جۇك كولىگىمەن قاعىپ كەتكەن وزبەكستاندىق ازامات سايفۋللو سايپوۆكە سوت ۇكىمى شىقتى. سوت ونى ءومىر بويى باس بوستاندىعىنان ايىرىپ، مەرزىمىنەن ەرتە بوساپ شىعۋ قۇقىعىنان دا ايىردى.
2017 جىلعى شابۋىلدان 8 ادام قازا تاۋىپ، 12 ادام زارداپ شەككەن بولاتىن. بۇعان دەيىن پروكۋرور سايفۋللو ءسايپوۆتى ءولىم جازاسىنا كەسۋ كەرەكتىگىن ايتقان. الايدا بۇل شەشىم بويىنشا سوت القاسى ءبىر مامىلەگە كەلە المادى.
سايفۋللو سايپوۆ بۇعان دەيىنگى جاۋابىندا ىستەگەن ىسىنە وكىنبەيتىنىن، مۇنداي ارەكەتكە بارۋىنا "يسلام مەملەكەت" ەكسترەميستىك توبىنىڭ بەينەروليكتەرى سەبەپ بولعانىن ايتقان ەدى. سونداي-اق "يسلام مەملەكەت" اتالعان شابۋىلدى ءوز موينىنا العان.
پىكىر قالدىرۋ