كەشە ەلىمىزدە ءماجىلىس جانە ءماسليحات دەپۋتاتتارىنىڭ سايلاۋى ءوتتى. Exit poll ناتيجەسى بويىنشا ەڭ كوپ داۋىس اماناتتا - 53،46%، ەڭ از داۋىس بايتاق پارتياسىندا - 3،22%.

تاۋەلسىز باقىلاۋشىلار سايلاۋدىڭ ادىلەتسىز وتكەنىن، زاڭ بۇزۋشىلىقتاردىڭ كوپ بولعانىن ايتىپ نارازىلىق بىلدىرۋدە. كەشە تۇندە ساياساتتانۋشى، كانديدات سانجار بوقايەۆ سايلاۋدىڭ زاڭسىز وتكەنىن حابارلاپ، ورتالىق سايلاۋ كومميتەتىنەن جانە پرەزيدەنت قاسىم-جومارت توقايەۆتان سايلاۋ ناتيجەلەرىن جويۋدى تالاپ ەتتى.

ال باس پروكۋراتۋرا داۋىس بەرۋ كەزىندە ءۇش وڭىردە سايلاۋ تۋرالى زاڭنامانى بۇزۋدىڭ 9 فاكتىسى تىركەلگەنىن مالىمدەدى.

رەسمي دەرەككە سايكەس الماتى وبلىسىندا ەڭبەكشى قازاق، جامبىل، رايىمبەك جانە ۇيعىر اۋداندارىنداعى سايلاۋ ۋچاسكەلەرىندە؛ جەتىسۋ وبلىسىندا قاراتال جانە كەربۇلاق اۋداندارىنداعى ۋچاسكەلەردە؛ سولتۇستىك قازاقستان وبلىسىنىڭ ايىرتاۋ جانە جامبىل اۋداندارىنداعى ۋچاسكەلەردە زاڭسىزدىقتار بولعان. اتالعان سايلاۋ ۋچاسكەلەرىندە كوميسسيا مۇشەلەرى داۋىس بەرۋشىلەردىڭ ءوتىنىشى بويىنشا تۋىستارى ءۇشىن داۋىس بەرۋگە بيۋللەتەندەر بەرىلىپ، داۋىس بەرۋدىڭ تەڭ قۇقىقتىلىق تالابى بۇزىلعان.

بيىلعى سايلاۋ ءادىل ءوتتى مە؟ ءسىز قالاي ويلايسىز؟