الماتىدا ورتالىق مەشىتتىڭ ۇيىمداستىرۋىمەن رامازان ايىنىڭ قۇرمەتىنە "جاراپازان-Party" اتتى بۇقارالىق بايقاۋى وتەدى. اتالعان بايقاۋعا بارلىق الماتىلىق قاتىسا الادى. 

بايقاۋ ەرەجەسى: 

1.   «جاراپازان-Party» اتتى بايقاۋ (ارى قاراي – بايقاۋ)  جالپىحالىقتىق بۇقارالىق شارا بولىپ سانالادى؛

2.   بايقاۋ قاسيەتتى رامازان ايىنىڭ قارساڭىندا ۇيىمداستىرىلادى؛

3.   بايقاۋ تۋرالى اقپارات الدىن-الا www.azan.kz سايتىندا جاريالانادى؛

4.   بايقاۋعا تەك الماتى قالاسىنىڭ تۇرعىندارى قاتىسا الادى.

بايقاۋدىڭ ماقساتى مەن مىندەتتەرى

1.  قمدب ءتوراعاسى، باس ءمۇفتي ناۋرىزباي قاجى تاعان ۇلى 2023 جىلدى «يسلام جانە ىزگى قوعام» جىلى دەپ جاريالاۋىنا وراي «ءدىن مەن ءداستۇر» ساباقتاستىعى اياسىندا ىزگى قوعام قۇرۋدا بۇقارا حالىق اراسىندا ۇلتتىق قۇندىلىقتارىمىزدى، ءداستۇرىمىزدى ناسيحاتتاپ، دارىپتەۋ؛

2.  ۇمىتىلا باستاعان يگى داستۇرلەردى قايتادان سانگە اينالدىرۋ؛

3. حالىقتى ون ەكى ايدىڭ سۇلتانى بولعان قاسيەتتى رامازان ايىنىڭ كەلۋىمەن سۇيىنشىلەۋ؛

4. ورازانىڭ رۋحاني-مورالدىق، ەتيكالىق قاسيەتتەرىن ناسيحاتتاۋ.

بايقاۋدىڭ ءوتۋ كەزەڭى

بايقاۋ 2023 جىلدىڭ 23 ناۋرىز بەن 01 ءساۋىر كۇندەرى ارالىعىندا وتەدى؛ بايقاۋ  ءۇ.ج 01 ءساۋىر كۇنى قورىتىندىلانادى.  

بايقاۋعا قاتىسۋ تالاپتارى

1. بايقاۋعا جەكەلەگەن ادامدار، شىعارماشىلىق توپتار، ستۋدەنتتەر مەن مەشىت شاكىرتتەرى، جالپى جاماعات قاتىسا الادى؛

2. بايقاۋعا قاتىسۋشىلار كلاسسيكالىق نەمەسە جاڭارعان زاماناۋي جاراپازان ءماتىنىن ۇلتتىق مۋزىكالىق اسپاپتاردىڭ سۇيەمەلدەۋىمەن نەمەسە سۇيەمەلدەۋسىز حالىق اراسىندا فلەش-موب فورماتىندا ورىندايدى. بايقاۋدىڭ قورىتىندىسى بارلىق قاتىسۋشىلار مەن ءادىل-قازىلاردىڭ قاتىسۋىمەن الماتى ورتالىق مەشىتىندە وتكىزىلەدى. سونداي-اق، بايقاۋ قورىتىندىسىنا دەيىن جاراپازان جىرىن ورىنداۋشىلار ۆيدەو نۇسقاسىن 8 747 554 35 58 تەلەگرام كانالىنا جولداۋى ءتيىس. الماتى ورتالىق مەشىتىنىڭ رەسمي پاراقشالارى @azan.kz_1 Instagram، Facebook جانە تىك-توك الەۋمەتتىك جەلىلەرىندە #جاراپازان2023 حەش-تەگىمەن جاريالانادى.  

جۇلدەگەرلەردى ماراپاتتاۋ

1.   بايقاۋ قورىتىندىسىندا ورىنداۋشىلار جۇلدەلى ءى ورىن 300 000 تەڭگە، ءىى ورىن 200 000 تەڭگە، ءىىى ورىن 100 000 تەڭگە قارجىلاي سىيلىقپەن ماراپاتتالادى. سونىمەن قاتار ىنتالاندىرۋ ماقساتىندا باعالى سىيلىقتارمەن ماراپاتتالاتىن بولادى. بايقاۋعا دەمەۋشىلىك كورسەتۋشى «MIRAS QAZYNA» قورى.

قوسىمشا مالىمەتتەر ءۇشىن بايلانىس تەلەفون نومەرى: 8 747 554 35 58 

الماتى ورتالىق مەشىتىنىڭ

باسپا ءسوز قىزمەتى