"شىمبۇلاق" – الەمدە ءبىرىنشى بولىپ "الەمدەگى ەڭ بيىك تۇنگى شاڭعى تراسساسى" نوميناسياسى بويىنشا گيننەستىڭ رەكوردتار كىتابىنا كىردى. 

Guinness World Records ءوفيسىنىڭ سۋدياسى شەيد سۋباشي-گەميدجي تاۋ شاڭعى كۋرورتىنىڭ باس ديرەكتورى رينات ابدراحمانوۆقا الەمدىك رەكوردتى راستايتىن سەرتيفيكاتتى تابىس ەتتى. سالتاناتتى ءراسىم جانە رەكورد ناتيجەسىن رەسمي تىركەۋ – تەڭىز دەڭگەيىنەن 3200 مەتر بيىكتىكتە "تالعار اسۋى" ستانسياسىندا ءوتتى.

شارا سوڭىندا قىزىل لەنتا سالتاناتتى تۇردە كەسىلىپ، ەڭ بيىك تۇنگى تاۋ شاڭعىسى تراسساسىمەن تومەن قاراي جاپپاي سىرعاناۋ ءوتتى.

ايتا كەتەيىك، تەڭىز دەڭگەيىنەن 3200 مەتر بيىكتىكتە تۇنگى شاڭعىمەن سىرعاناۋ 2021 جىلدىڭ قاراشاسىندا باستالعان ەدى. وسى ۋاقىت ىشىندە جۇزدەگەن مىڭ ادام تۇنگى ۋاقىتتا ەڭ جوعارى نۇكتەدەن ءتۇسىپ ۇلگەردى.

تاۋ شاڭعى كۋرورتىنىڭ باسپا ءسوز قىزمەتىنىڭ حابارلاۋىنشا، 2021-2022 جىلعى ماۋسىمدا تۇنگى شاڭعىمەن سىرعاناۋعا 50 346 تۋريست كەلگەن، بيىلعى ماۋسىمدا 10% ەسە كوپ كەلدى، ياعني، 55 486 كەلۋشىلەر بولدى.

سونىمەن قاتار، 2021-2022 جىلعى ماۋسىمدا كۇنىنە 12 520 ادام كەلسە، بيىلعى ماۋسىمدا كۋرورتقا 1 ميلليوننان استام ادام كەلىپ ۇلگەرگەن.