ناتو ءپۋتيننىڭ بەلارۋس ەلىندە تاكتيكالىق يادرولىق قارۋدى ورنالاستىرۋ تۋرالى قابىلداعان شەشىمىن ايىپتادى، دەپ جازادى BBC. ال اقش رەسەيدىڭ يادرولىق قارۋ قولدانۋعا دايىندىق جاساپ جاتىرعانىنا سەنبەيتىنىن مالىمدەدى.
پۋتين مالىمدەمەسىنەن كەيىن ۋكراينا بۇۇ قاۋىپسىزدىك كەڭەسىن شۇعىل جيىن وتكىزۋگە شاقىرعان بولاتىن. ۋكراينا بيلىگى "بۇل قادام يادرولىق قارۋدى تاراتپاۋ تۋرالى كەلىسىمدەرگە قايشى كەلەدى"، دەيدى. الايدا پۋتين بولسا وزىنە تاعىلعان ايىپتى جوققا شىعاردى.
بۇدان بولەك، ەۋرووداقتىڭ سىرتقى ساياسات جونىندەگى جوعارعى وكىلى جوزەپ بوررەلل بەلارۋس پۋتينمەن كەلىسىمنەن باس تارتپاسا، سانكسيا سالىنۋى مۇمكىن ەكەنىن ەسكەرتتى.
ۋكراينا ۇلتتىق قاۋىپسىزدىك جانە قورعانىس كەڭەسىنىڭ حاتشىسى الەكسەي دانيلوۆ ءپۋتيننىڭ مالىمدەمەسىن بەلارۋستەگى جاعدايدى تۇراقسىزداندىرۋ ءۇشىن جاسالعان ارەكەت دەپ باعالادى.
پىكىر قالدىرۋ