الەۋمەتتىك جەلىلەردە ينچحون اۋەجايىنان ەكى قازاقستان ازاماتى قاشىپ كەتكەنى تۋرالى اقپارات تاراپ جاتىر. ەندى ولار ءتورت جىلعا دەيىن باس بوستاندىعىنان ايىرىلۋى مۇمكىن.
كورەيالىق باق-تىڭ مالىمدەۋىنشە، نۇرسۇلتان ىرىسبايەۆ پەن ءۇميجان نارزۋللايەۆ ەسىمدى ەكى قازاقستاندىق كورەياداعى ينچحون اۋەجايىنان قاشىپ، قالاعا كىرمەك بولعان.
"ولار باسقا قازاقستاندىقتارمەن بىرگە ينچحون حالىقارالىق اۋەجايى ارقىلى ەلگە وتپەك بولعان، ءبىراق بۇل ويلارى ىسكە اسپادى" – دەپ جازدى كورەيالىق ب ا ق.
قازاقستاندىقتىڭ ءبىرىن پوليسەيلەر تەدجون قالاسىندا دۇكەندە تەلەفون زاريادتاپ جاتقان جەرىنەن ۇستاپ العان. الەۋمەتتىك جەلىدە قاماۋ ورنىنان تۇسىرىلگەن فوتوسۋرەت تارادى. ونىڭ 2002 جىلى تۋعان ءۇميجان نارزۋللايەۆ ەكەنى بەلگىلى بولدى. وقيعا 24 ناۋرىز كۇنى ورىن العان.
اۋەجايدان قاشپاق بولعان ەكى قازاقستاندىق تا تۇركىستان قالاسىنىڭ تۋماسى ەكەنى انىقتالدى. ءقازىر ىزدەستىرىلىپ جاتقان نۇرسۇلتان ىرىسبايەۆ 18 جاستا.
سونداي-اق، سوت بولعان جاعدايدا ەكەۋى دە ءتورت جىلعا باس بوستاندىعىنان ايىرىلۋى مۇمكىن.
پىكىر قالدىرۋ