الماتىدا قازاقستان مۇسىلماندار ءدىني باسقارماسىنىڭ ۇيىمداستىرۋىمەن اۋىزاشار ءوتتى. باس ءمۇفتي جاماعاتقا ىزگى تىلەگىن ءبىلدىرىپ، قاسيەتتى رامازان ايىمەن قۇتتىقتادى. بارشا مۇسىلمان قاۋىمىنىڭ تۇتقان ورازاسى، جاساعان ىزگى امالدارى قابىل بولۋىن سۇراپ، جاماعاتپەن بىرگە دۇعا جاسادى.
ال زيالى قاۋىم وكىلدەرى باس مۇفتيگە العىس ءبىلدىرىپ، ءدىني باسقارمانىڭ يگى باستامالارىنا ساتتىلىك تىلەدى.
"رامازان ايى – مۇسىلماندار اسىعا كۇتكەن، كەشىرىم ايى. ءمۇفتياتتىڭ تانىمال ادامدار مەن زيالى قاۋىم وكىلدەرىنىڭ باسىپ قوسىپ، اۋىزاشار بەرگەنىنە قۋانىشتىمىن. اۋىزاشار – قازاق داستۇرىندەگى ادەمى كورىنىستىڭ ءبىرى"، دەدى ق ر ەڭبەك سىڭىرگەن قايراتكەرى قاراگوز سۇلەيمەنوۆا.
سونداي-اق شاراعا دوسحان جولجاقسىنوۆ، ءانشى مەيرامبەك بەسپايەۆ، ەرنار ايدار، تۇركيانىڭ قازاقستانداعى باس كونسۋلى الي رىزا اكىندجى، اكتەر تۇڭعىشباي جامانقۇلوۆ، ت.ب، تانىمال تۇلعالار مەن كاسىپكەرلەر قاتىسىپ، راماز ايىمەن قۇتتىقتادى.
پىكىر قالدىرۋ