ءال-فارابي اتىنداعى قازاق ۇلتتىق ۋنيۆەرسيتەتىندە الەمنىڭ ەكىنشى ۇستازى اتانعان عۇلاما، دانا بابامىز ءابۋ ناسىر ءال-فارابيدىڭ قۇرمەتىنە ارنالعان ءداستۇرلى «فارابي الەمى» اتتى جاس عالىمدار مەن ستۋدەنتتەردىڭ حالىقارالىق عىلىمي كونفەرەنسياسى اعىمداعى وقۋ جىلى 6 ساۋىردە ءوز جۇمىسىن باستادى. ۋنيۆەرسيتەتتىڭ ىزگىلىكتى باستاماسىنا ءبىزدىڭ جوو-عا دەيىنگى ءبىلىم بەرۋ فاكۋلتەتى زور ىقىلاسپەن ءۇن قوسىپ، كونفەرەنسيا جۇمىسىن جوو-عا دەيىنگى دايىندىق كافەدراسى – 5، شەتەلدىكتەردىڭ تىلدىك دايىندىق كافەدراسى – 3، كوللەدج – 1، بەيىندىك مەكتەپ – 2، جالپى 11 سەكسيا بويىنشا ۇيىمداستىردى.

جوو-عا دەيىنگى دايىندىق كافەدراسى ۇيىمداستىرعان سەكسيالاردىڭ، اسىرەسە، تاريح –  «الەم دامۋىنداعى يننوۆاسيالىق تەحنولوگيانىڭ ءرولى» سەكسياسىنىڭ جۇمىسى وتە اۋقىمدى بولدى، 70-تەي وتاندىق جوو-لاردان كەلگەن: ابىلايحان اتىنداعى قازحق جانە ءاتۋ ۋنيۆەرسيتەتى – 11، قازاق قىزدار پەداگوگيكالىق ۋنيۆەرسيتەتى -2، «ميراس» ۋنيۆەرسيتەتى -2 ، م.اۋەزوۆ اتىنداعى وڭتۇستىك قازاقستان ۋنيۆەرسيتەتى-1   ستۋدەنتتەر مەن شەتەلدىك تىڭداۋشىلار قاتىسقان سەكسيا ءوز جۇمىسىن ەكى ءبولىم بويىنشا جۇرگىزدى.

جوو-عا دەيىنگى دايىندىق كافەدراسىنىڭ اعا وقىتۋشىلارى ا.ك.بەگالييەۆا، ر.نارالييەۆا مودەراتور بولعان 2-بولىمىندە وتاندىق جوو-لاردان كەلگەن ستۋدەنتتەردىڭ كوپ بولۋى سەكسيا جۇمىسىن جاندىرا ءتۇستى. «جاڭا  قازاقستانداعى جاستار ساياساتى»، «جاڭا الەمدەگى جاڭا قازاقستان»، «قازاقستانداعى ءبىلىم بەرۋ مودەلى» سەكىلدى،. بۇگىنگى كۇننىڭ وزەكتى ماسەلەسى بولىپ وتىرعان تاقىرىپتارعا قاتىستى ت.ب باياندامالارعا قىزىعۋشىلىق جوعارى بولۋى دا زاڭدى، سەبەبى وزدەرىن جاڭا قازاقستاننىڭ ادىلەتتى قوعامىنىڭ قوزعاۋشى كۇشى رەتىندە سانايتىن جاستار اراسىندا «جاڭا قازاقستاندى قالاي بولادى دەپ سانايسىڭ؟»، «جاڭا قازاقستاندا ادىلەتتى قوعامدى قۇرۋعا قانداي ۇلەس قوساسىڭ؟» دەگەن سەكىلدى مازمۇنى تەرەڭ، اۋقىمدى سۇراقتار  وسى تاقىرىپتار اياسىندا جان-جاقتى تالقىلاندى.

سونىمەن قاتار بەيبارىس سۇلتان، ابىلاي حان، وسپان باتىر، د.ا.قونايەۆتاي تاريحي تۇلعالار تۋرالى باياندامالار دا قىزىعۋشىلىق تۋدىردى. بەيبارىس سۇلتان –  موڭعول-تاتار شاپقىنشىلىعىن توقتاتۋ ارقىلى ەكى دۇنيەنىڭ: يسلام مەن حريستيان الەمىن قۇتقارعان ماڭىزدى تۇلعا، ال ابىلاي حان – جوڭعار شاپقىنشىلىعىن توقتاتىپ، ءۇش ءجۇزدى ءبىر تۋدىڭ استىنا جيناپ، قازاق جەرىن ازات ەتكەن ۇلى حان، د.ا.قونايەۆتىڭ كەڭەستىك داۋىردە قازاق حالىق ءۇشىن سىڭىرگەن ەڭبەگى زور ۇلت ازاماتى رەتىندە بۇل تاريحي تۇلعالار كوپشىلىك تانىمال بولسا، ال جۇڭگو جەرىندە ۇلت ازاتتىعى ءۇشىن كۇرەسكەن وسپان باتىر تۋرالى مالىمەت قازاقستاندىق جاستاردى وتە قىزىقتىردى. بايانداماشى داۋتحان ساياحاتتىڭ «بولاشاقتا وسپان باتىردى حالقىققا تانىمال بولۋى ءۇشىن نە ارەكەت جاسايسىڭ؟» دەگەن سۇراققا –  «جىر ءمۇشايراسىن، اقىندار ايتىسىن ۇيىمداستىرعىم كەلەدى» دەگەن جاۋابى كوپشىلىك كوڭىلىنەن شىقتى.  كونفەرەنسيا بارىسىندا ءاربىر جۇمىس جان-جاقتى تالدانىپ، باياندامانىڭ ماقساتى مەن مازمۇنىنا تەرەڭ شولۋلار جاسالدى. كونفەرەنسيانىڭ جۇمىسى بارىسىندا بايانداماسىنىڭ عىلىمي ىزدەنىسى مول دەپ تابىلعان ەڭبەك يەلەرى رەكتورات تاراپىنان ماراپاتتالدى.  

تاريح:  «الەم دامۋىنداعى يننوۆاسيالىق تەحنولوگيانىڭ ءرولى»  بويىنشا جۇمىس ىستەگەن سەكسيانىڭ 2-بولىمىندە كوميسسيا شەشىمىمەن باياندامالارىنىڭ مازمۇنى مەن ىزدەنىستەرى جوعارى دەڭگەيدە  بولعان قاتىسۋشىلار: جوو-عا دەيىنگى دايىندىق كافەدراسىنىڭ شەتەلدىك تىڭداۋشىلارى قانىبەك ايدانا – I دارەجەلى ديپلوممەن، داۋتحان ساياحات، ال قازۇۋ-دىڭ بەيىندىك مەكتەبىنىڭ 11-سىنىبىنىڭ وقۋشىسى مۇحانبەك ۇلى توقتار –  II دارەجەلى ديپلومدارمەن، جوو-عا دەيىنگى دايىندىق كافەدراسىنىڭ شەتەلدىك تىڭداۋشىلارى قۋاتنۇر ءبۇلدىرشىن، مۇرال ۇلى ماعجان، ابىلايحان اتىنداعى قازحق جانە اتۋ ۋنيۆەرسيتەتىنىڭ ستۋدەنتتەرى ءابجان سامال،  كۋربانبەك ۋلپان ساكەن قىزى III دارەجەلى ديپلومدارمەن ماراپاتتالدى.  

جانە دە سەكسيا بارىسىندا بەلسەندىلىك تانىتقان قاتىسۋشىلار: سرايل ارۋجان، بالتاباي نازەركە، وراز بولىسقان، وڭعاربەك دينا، ەسەنگالي ديانا، عازاق ميان،مەيرام ايجان، نۇرجامال ايسارا، دانكەي بالزان، ۋرمەتوۆ نۇرلىبەك، ماحشار اينۇر فاكۋلتەت تاراپىنان ىنتالاندىرۋ ماراپاتتارىنا يە بولدى.

كونفەرەنسيانىڭ سالتاناتتى جابىلۋىندا فاكۋلتەت پەن كافەدرا باسشىلىعى قاتىسۋشىلاردىڭ، جاڭا قازاقستاننىڭ دامۋىنا وزىندىك ۇلەستەرىن ايامايتىن،  ءبىلىم-عىلىم كەڭىستىگىمەن قاتار ەڭبەك نارىعىندا دا باسەكەگە قابىلەتتى وتانىن سۇيگەن ازاماتتار بولىپ قالىپتاسۋىنا ساتتىلىك تىلەپ، بارىنە ومىردە باقىت، وقۋدا تابىس، عىلىم جولىنداعى العاشقى قادامدارىمەن جانە بۇگىنگى جەتىستىكتەرىمەن قۇتتىقتادى. كونفەرەنسيا جاس ىزدەنۋشىلەردىڭ العان تاعىلىمى مول عىلىمي-تانىمدىق شارا بولدى.

ءال-فارابي اتىنداعى قازۇۋ-دىڭ اعا

وقىتۋشىلارى نارالييەۆا ر.ت.، بەگالييەۆا ا.ك.