ۆاشينگتونداعى Freedom Now ۇكىمەتتىك ەمەس ۇيىمى جانبولات مامايعا قاتىستى شىققان سوت ۇكىمىن سىنعا الدى. اتالعان ۇيىم سوت شەشىمىن جويۋ جونىندە ۇندەۋ جولدادى.
سوت ۇكىمى جانبولات مامايدىڭ قازاقستان ۇكىمەتىن زاڭدى سىناعانى ءۇشىن ءۇنىن وشىرۋگە ارنالعان ۇزاققا سوزىلعان قۋدالاۋ ءىسىنىڭ شارىقتاۋ شەگى بولىپ تابىلادى"، دەلىنگەن Freedom Now اتقارۋشى ديرەكتورى ماران تەرنەردىڭ مالىمدەمەسىندە.
كەشە جانبولات مامايعا قاتىستى سوت ۇكىمى شىعىپ، "جاپپاي تارتىپسىزدىك ۇيىمداستىردى" دەگەن ايىپپەن التى جىل شارتتى تۇردە باس بوستاندىعىنان ايىردى. جانبولات مامايدىڭ ءوزى بۇل ايىپتى مويىنداعان جوق. سونداي-اق التى جىلعا دەيىن قوعامدىق-ساياسي جۇمىسپەن، جۋرناليستيكامەن، پۋليسيستيكامەن اينالىسۋعا، قوعامدىق بىرلەستىكتەر جۇمىسىنا قاتىسۋعا تىيىم سالىنعان.
Freedom Now جانبولات مامايدىڭ ساياسي قىزمەتپەن اينالىسۋىنا كەدەرگى جاساۋ ءۇشىن سوت وسىنداي ۇكىم شىعاردى دەپ حابارلادى.
پىكىر قالدىرۋ