ساياساتكەر مۇحتار تايجان "بەيبىت جيىن ءتارتىبىن بۇزدى" دەگەن ايىپپەن 15 تاۋلىككە قامالدى، دەپ جازدى بەلسەندى مارات تۇرىمبەتوۆ الەۋمەتتىك پاراقشاسىندا.
ەسكە سالا كەتەيىك بۇگىن مۇحتار تايجاندى پوليسيا ۇيىنەن الىپ كەتكەن ەدى. ول وزگە ارىپتەستەرىمەن بىرگە استانادا ۇستالعان جاڭاوزەندىكتەردى قولداپ، باسپا ءسوز كونفەرەنسياسىن ۇيىمداستىرىپ، مالىمدەمە جاساماق بولعان.
سونىمەن قاتار، مۇحتار تايجان 9 ءساۋىر كۇنى حالىقتىق پارلامەنت وكىلدەرىمەن بىرگە سايلاۋ ناتيجەلەرىنە قارسى ميتينگ ۇيىمداستىرعان بولاتىن. ءبىراق رىسبەك سارسەنباي ەل الدىندا ميتينگ جاۋاپكەرشىلىگىن ءوز موينىنا الاتىنىن حابارلاعان. الايدا پوليسيا تايجاندى سول ميتينگ ءۇشىن 488 باپ بويىنشا ايىپتاعان.
پىكىر قالدىرۋ