اقمولا وبلىسى قوسشى قالاسىندا قۇنى 65 ملن تەڭگە بولاتىن جەر ۋچاسكەسى مەملەكەتكە قايتارىلدى. بۇل تۋرالى وبلىستىق پروكۋراتۋرا حابارلادى.
قالا پروكۋراتۋراسى جەر زاڭناماسىنىڭ قولدانىلۋىن تالداۋ بارىسىندا كوممەرسيالىق ماقساتتا جەر بەرۋ كەزىندە جەرگىلىكتى اتقارۋشى ورگاندار تاراپىنان ورەسكەل بۇزۋشىلىقتار انىقتالدى.
"ماسەلەن، قوسشى اۋىلدىق وكرۋگى اكىمىنىڭ وكىمىمەن 2016 جىلعى تامىزدا جاۋاپكەرشىلىگى شەكتەۋلى سەرىكتەستىككە (بۇدان ءارى - ج ش س) اۋدانى 3،2778 گەكتار جەر ۋچاسكەسىنە ۋاقىتشا وتەۋلى جەر پايدالانۋ قۇقىعىن بەردى. وسى وكىمنىڭ نەگىزىندە ج ش س مەن سەلينوگراد اۋدانىنىڭ جەر قاتىناستارى ءبولىمى اراسىندا جەر ۋچاسكەسىنە ۋاقىتشا وتەۋلى جەر پايدالانۋ تۋرالى شارت جاسالدى"، - دەلىنگەن پروكۋراتۋرا حابارلاماسىندا.
جالداۋ مەرزىمى بىرنەشە رەت ۇزارتىلدى. الايدا، 2016 جىلدان باستاپ كاسىپورىن جەر ۋچاسكەسىن نىسانالى ماقساتى بويىنشا پايدالانۋعا باعىتتالعان ءبىرىڭعاي ءىس-قيمىل جاساعان جوق. ال قۇجاتتارعا سايكەس، ج ش س تۇرعىن ءۇي كەشەنىن سالۋدى كوزدەگەن.
"قوسشى قالاسى اكىمدىگىنىڭ مالىمەتتەرى بويىنشا وسى جەر ۋچاسكەسىندە «جايلى مەكتەپ» ۇلتتىق جوباسىن ىسكە اسىرۋ شەڭبەرىندە مەكتەپ سالۋ جوسپارلاناتىن بولادى. قوسشى قالاسىندا حالىقتىڭ قارقىندى دامۋى مەن وسۋىنە بايلانىستى جىلدان جىلعا مەكتەپتەردىڭ اپاتتى تاپشىلىعى بايقالاتىنىن اتاپ وتكەن ءجون. وسى باعىتتاعى جۇمىس جالعاساتىن بولادى"، - دەلىنگەن حابارلامادا.
پىكىر قالدىرۋ