الماتى وبلىسى اكىمىنىڭ وكىمىمەن،  پرەزيدەنت اكىمشىلىگىنىڭ كەلىسىمىمەن نۇرلان ەرعالي ۇلى ءابدىراحىم الماتى وبلىسى اكىمىنىڭ ءبىرىنشى ورىنباسارى لاۋازىمىنا تاعايىندالدى.

نۇرلان ەرعالي ۇلى 1980 جىلى تۋعان، قازاق، ءبىلىمى جوعارى، 2001 جىلى «قاينار» ۋنيۆەرسيتەتىن «زاڭگەر» ماماندىعى بويىنشا بىتىرگەن، 2016 جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ۇلتتىق مەملەكەتتىك ساياسات مەكتەبى «ساياساتتانۋ» ماماندىعى بويىنشا الەۋمەتتىك ءبىلىم ماگيسترى اكادەميالىق دارەجەسىن العان.

ەڭبەك جولىن 1999 جىلى «دجاكۋبايەۆ د.م.» جك اعا زاڭگەرى بولىپ باستاعان. ءار جىلدارى «استاناەنەرگوسەرۆيس» ااق تۇتىنۋشىلارمەن جۇمىس جونىندەگى قىزمەتتىڭ جەكە تۇلعالارعا قىزمەت كورسەتۋ ءبولىمىنىڭ №2 ابونەنتتىك ۋچاسكەسىنىڭ باقىلاۋشىسى، «قازاقستان رەسپۋبليكاسىنىڭ زاڭناما ينستيتۋتى» جاق تاعىلىمداماشىسى، قازاقستان رەسپۋبليكاسى ادىلەت مينيسترلىگىنىڭ زاڭناما دەپارتامەنتىنىڭ جەتەكشى مامانى، باس مامانى، ءبولىم باستىعى، باسقارما باستىعىنىڭ ورىنباسارى، ديرەكتورىنىڭ ورىنباسارى، نورماتيۆتىك قۇقىقتىق اكتىلەردى تىركەۋ دەپارتامەنتىنىڭ ديرەكتورى، زاڭعا تاۋەلدى اكتىلەر دەپارتامەنتىنىڭ ديرەكتورى، زياتكەرلىك مەنشىك قۇقىعى كوميتەتىنىڭ ءتوراعاسى، قازاقستان رەسپۋبليكاسى ادىلەت ءمينيسترىنىڭ كەڭەسشىسىنىڭ مىندەتىن اتقارۋشىسى بولىپ قىزمەت اتقارعان.

2012-2019 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى، 2019-2021 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى لاۋازىمدارىن اتقاردى.

2021 جىلدىڭ مامىر ايىنان قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمى مەڭگەرۋشىسىنىڭ ورىنباسارى.

«قۇرمەت» وردەنىنىڭ يەگەرى.