ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمدەۋىنشە، كۇن سايىن قازاقستانعا شامامەن 7 مىڭ رەسەيلىك كەلىپ، سونشا ادام ەلدەن شىعادى. الايدا نە ءوسۋ، نە كەمۋ كورسەتكىشى بايقالمايدى. 

"بىلتىرعى وقيعاعا بايلانىستى مەملەكەتتىك ورگاندار باقىلاۋ تەتىگىن جاساپ شىعارعان. بۇل شەكارا قىزمەتىنەن باستاپ، ۋاقىتشا تۇرۋعا رۇقسات قاعازىن العانعا دەيىنگى پروسەستەردى اۆتوماتتاندىرۋمەن بايلانىستى. سايكەسىنشە، بىلتىر كەلگەن ازاماتتار ەاەو ەلدەرىندە تۇرۋ بويىنشا جاڭا ەرەجە قابىلدانعاننان كەيىن قازاقستاندا كۇنتىزبەلىك 180 كۇن ىشىندە 90 كۇننەن ارتىق بولا المايدى" – دەدى مينيسترلىك وكىلى ءىلياس ەسپانوۆ.

كەي دەرەككە قاراعاندا موبيليزاسيادان كەيىن رەسەيدەن 400–800 مىڭ ادام قونىس اۋدارعان، دەپ حابارلادى ازاتتىق راديوسى.

ەميگرانتتاردىڭ 100 مىڭنان استامى گرۋزيادا، 100 مىڭى قازاقستاندا قالعان. شامامەن 40 مىڭى ارمەنياعا قونىس اۋدارسا، 35 مىڭى يزرايلگە، قىرعىزستانعا جانە ەۋرووداق ەلدەرىنە كەتكەن.