سولتۇستىك قازاقستان وبلىسىندا سەپاراتيزم ءىسى بويىنشا ۇستالعان ءۇش كۇدىكتى ەكى ايعا قاماۋعا الىندى. بۇل تۋرالى وبلىستىق پروكۋراتۋرانىڭ باسپا ءسوز قىزمەتى ءمالىم ەتتى.
"سولتۇستىك قازاقستان وبلىسىنىڭ پروكۋراتۋراسى الدىندا 2023 جىلعى 18 ساۋىردە قىلمىستىق كودەكستىڭ 179-بابى 2-بولىگى بويىنشا ( قاۋىپسىزدىكتى ىدىراتۋعا ۇگىتتەۋ) جانە 180-بابى 2-بولىگى بويىنشا (قازاقستان رەسپۋبليكاسىنىڭ ءبىرتۇتاستىعى مەن تۇتاستىعىن ىدىراتۋدى ناسيحاتتاۋ نەمەسە وعان جاريا تۇردە بۇقارالىق اقپارات قۇرالدارىن جانە تەلەبايلانىس جەلىلەرىن شاقىرۋمەن ماتەريالداردى تاراتۋ) قاراستىرىلعان قىلمىستىق قۇقىق بۇزۋشىلىق جاساعاندىقتارى ءۇشىن ۇلتتىق قاۋىپسىزدىك كوميتەتىنىڭ سولتۇستىك قازاقستان وبلىسى بويىنشا دەپارتامەنتىمەن «حالىق كەڭەسىنىڭ» ءۇش مۇشەسى ۇستالعانىن حابارلاعان بولاتىن"، - دەپ اتاپ ءوتتى ۆەدومستۆو وكىلدەرى.
قازىرگى كەزدە تەرگەۋ شارالارى جالعاسىپ جاتىر.
"20 ساۋىردە پەتروپاۆل قالاسىنىڭ مامانداندىرىلعان تەرگەۋ سوتىمەن بارلىق ءۇش فيگۋرانتقا قاتىستى مەرزىمى 2 ايعا «قاماۋدا ۇستاۋ تۇرىندە» بۇلتارتپاۋ شاراسى سانكسيالاندى"، - دەلىنگەن حابارلامادا.
پىكىر قالدىرۋ