ەلىمىزدە كەي ايماقتارىندا اۆتوكولىك گازىنىڭ شەكتى باعاسىن كوتەرۋ تۋرالى بۇيرىق كۇشىنە ەندى. قۇجات "قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەلەكتروندى تۇردەگى ەتولوندىق باقىلاۋ بانكى" پورتالىندا جاريالانعان. 

"قازاقستان رەسپۋبليكاسىنىڭ اۋماعىندا اۆتوگاز قۇيۋ ستانسيالارىندا اۆتوكولىككە جانارماي قۇيۋ ءۇشىن سۇيىتىلعان مۇناي گازىن بولشەك ساۋدادا وتكىزۋگە ۋاقىتشا مەملەكەتتىك باعا رەتتەۋدى ەنگىزۋ تۋرالى" بۇيرىققا ەنگىزىلگەن وزگەرىستەر كۇشىنە ەنىپ وتىر. بۇيرىق 2023 جىلدىڭ 31 جەلتوقسانىنا دەيىن ءوز كۇشىن جوعالتپايدى. 

وزگەرىستەرگە سايكەس، 1 ليتر اۆتوگازدىڭ قۇنى مىنا ايماقتاردا وسەدى:

• الماتى قالاسىندا – 65 تەڭگەدەن 75 تەڭگەگە دەيىن؛

• الماتى وبلىسىندا – 70-75 تەڭگەدەن 75-80 تەڭگەگە دەيىن؛

• اباي وبلىسىندا – 60-65 تەڭگەدەن 65-70 تەڭگەگە دەيىن؛

• شىعىس قازاقستان وبلىسىندا – 60-65 تەڭگەدەن 70-75 تەڭگەگە دەيىن؛

• سولتۇستىك قازاقستان وبلىسىندا – 70-75 تەڭگەدەن 75-80 تەڭگەگە دەيىن؛

قالعان وڭىرلەردە اۆتوكولىك گازىنىڭ باعاسى وزگەرىسسىز قالادى.