پاۆلودار وبلىستىق ءماسليحاتى كۋرچاتوۆ قالاسىن اباي وبلىسىنىڭ قاراماعىنا بەرۋ تۋرالى ماسەلەنى تالقىلادى. دەپۋتاتتاردىڭ بارلىعى بۇل ۇسىنىستى قولداعان.
ۇسىنىستى پاۆلودار وبلىسىنىڭ جەر قاتىناستارى باسقارماسىنىڭ باسشىسى مۇرات حاميتوۆ ايتتى. ول اباي وبلىسىنا شىعىس قازاقستان وبلىسىنىڭ سەگىز اۋدانى مەن سەمەيدىڭ قوسىلعانىن ەسكە سالدى.
"قالانىڭ جالپى اۋدانى 11 گەكتاردى قۇرايدى. كۋرچاتوۆتان تۇسەتىن سالىق وبلىستىق بيۋدجەتكە تۇسپەيدى، قالا بيۋدجەتىندە قالادى. بۇل شەشىم پاۆلودار مەن اباي وبلىستارىنىڭ شەكاراسىن سايكەستەندىرەدى"، – دەدى مۇرات حاميتوۆ.
دەپۋتاتتار بۇل ۇسىنىستى ءبىراۋىزدان ماقۇلدادى.
پىكىر قالدىرۋ