ۇلى وتان سوعىسىنداعى جەڭىستىڭ 78 جىلدىعىنا وراي اباي وبلىسىنىڭ 2 692 تۇرعىنى ءبىرجولعى تولەم الادى. ولاردىڭ قاتارىندا ۇوس ارداگەرلەرى، كونسلاگەرلەردىڭ بۇرىنعى تۇتقىندارى، تىل ەڭبەككەرلەرى جانە ت. ب. بار.

ماسەلەن، وبلىستا تۇراتىن ۇلى وتان سوعىسىنىڭ 12 قاتىسۋشىسىنا جەڭىس كۇنىنە 1،5 ميلليون تەڭگەدەن تولەنەدى.

وبلىستا لەنينگرادتى قورشاۋ كەزەڭىندە قالا كاسىپورنىندا جۇمىس ىستەگەن جانە «قورشاۋداعى لەنينگراد تۇرعىنى» بەلگىسىمەن ماراپاتتالعان ءبىر ادام قالدى. وعان 150 مىڭ تەڭگە تولەنەدى. ەكىنشى دۇنيەجۇزىلىك سوعىس كەزىندە فاشيستەر مەن ولاردىڭ وداقتاستارى قۇرعان كونسلاگەرلەردىڭ، گەتتولاردىڭ جانە باسقا دا ءماجبۇرلى ۇستاۋ ورىندارىنىڭ بۇرىنعى كامەلەتكە تولماعان تۇتقىندارى دا 150 مىڭ تەڭگەدەن ءبىرجولعى تولەم رەتىندە الادى. وبلىستا وسىنداي ءۇش ادام بار.

ۇلى وتان سوعىسىنىڭ 119 قايتىس بولعان مۇگەدەكتىگى بار ازاماتتاردىڭ جۇبايلارىنا نەمەسە جەڭىلدىكتەرى بويىنشا ۇلى وتان سوعىسىنىڭ مۇگەدەكتىگى بار ازاماتتارعا تەڭەستىرىلگەن ادامدارعا، سونداي-اق قايتىس بولعان سوعىسقا قاتىسۋشىنىڭ، پارتيزاننىڭ، جەر استى قىزمەتكەرىنىڭ، «لەنينگرادتى قورعاعانى ءۇشىن» مەدالىمەن نەمەسە «قورشاۋداعى لەنينگراد تۇرعىنىنا» بەلگىسىمەن ناگرادتالعان، جالپى سىرقاتتانۋ، ەڭبەك جاراقاتى جانە باسقا دا سەبەپتەر سالدارىنان مۇگەدەكتىگى بار دەپ تانىلعان ازاماتتىڭ جۇبايلارىنا (قوسپاعاندا) قايتا نەكەگە تۇرماعان) 150 مىڭ تەڭگەدەن اۋدارىلادى.

ۇلى وتان سوعىسى جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالعان وبلىس تۇرعىندارى دا وسىنداي سوماعا يە بولادى. بۇل ساناتتاعى ايماقتا 42 ادام بار.

1941 جىلعى 22 ماۋسىمنان باستاپ 1945 جىلعى 9 مامىرعا دەيىن كەمىندە التى اي جۇمىس ىستەگەن (قىزمەت ەتكەن) جانە ۇوس جىلدارىندا تىلداعى قاجىرلى ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالماعان 2 515 ادامعا مەرەكە قۇرمەتىنە 70 مىڭ تەڭگەدەن تولەنەدى.