قازاقستان رەسەيگە جەر تەلىمدەرىن بولماشى اقىعا جالعا بەرەدى، ال ەلدە اۋىل شارۋاشىلىق جەرلەرى جەتكىلىكسىز. بۇل تۋرالى ءماجىلىس دەپۋتاتى سەرىك ەگىزبايەۆ مالىمدەدى.

"1995 جىلدان بەرى رەسەي اسكەري پوليگوندار ءۇشىن قازقستاننان جەر تەلىمدەرىن جالعا الادى. رەسەي 1 گەكتار جەر ءۇشىن 1050 تەڭگە تولەپ، 8،5 ميلليون گەكتاردان استام جەردى جالعا العانى بارشاعا ءمالىم. بۇل باعا 2005 جىلدان وزگەرگەن جوق. ءبىزدىڭ جەردىڭ قۇنىن كىم، قانداي ادىسپەن باعالاپ وتىر؟ جالعا بەرۋ مەرزىمى بىتكەندە ءبىر گەكتار جەردى قالپىنا كەلتىرۋگە مىڭ تەڭگە جەتەدى مە؟ الدە بيۋدجەتتەن اقشا ءبولىپ، قالپىنا كەلتىرەمىز بە؟" – دەدى ول ءوزىنىڭ دەپۋتاتتىق ساۋالىندا.

دەپۋتات قازاقستانداعى رەسەي پوليگوندارىنىڭ ايماعى كەيبىر ەلدەردىڭ جەر كولەمىنەن اساتىنىن دا كورسەتتى.

سەرىك ەگىزبايەۆ بيىلدان باستاپ سىناق الاڭدارىنا بەرىلەتىن جەر تەلىمىن قىسقارتۋ تۋرالى كەلىسسوز جۇرگىزىپ، اۋىلشارۋاشىلىعىنا بولىنەتىن ايماقتار سانىن ارتتىرۋدى ۇسىنىپ وتىر.