ورال قالالىق سوتى سەپاراتيستىك ارەكەت بويىنشا قىلمىستىق كودەكستىڭ ەكى بابىمەن ەكى قالا تۇرعىنىن قاماۋعا الدى.
"ارازدىقتى قوزدىرعانى ءۇشىن" ولارعا 2000–7000 اەك ارالىعىندا (6– 24 ملن اراسى) ايىپپۇل سالىنادى نەمەسە سوت 10 جىلعا دەيىن باس بوستاندىعىنان ايىرۋ مۇمكىن.
تەرگەۋدى جۇمىسىنا 2023 جىلدىڭ 11 اقپانىندا چات–رۋلەتكادا بولعان اڭگىمە سەبەپ بولدى، دەپ حابارلايدى Ulysmedia.kz اڭگىمەلەسۋ بارىسىندا ورال قالاسىنىڭ تۇرعىنى دەنيس رۋدنىي ورال قالاسى – رەسەيدىڭ بايىرعى قالاسى ەكەنىن ايتىپ، ءقازاقتىلدى قازاقتاردى "مامبەتتەر" دەپ اتاعان.
سونىمەن قاتار، رەسەي قازاقستانعا شابۋىل جاساعان جاعدايدا رەسەيلىكتەردى قولدايتىنىن مالىمدەگەن. ۆيدەودا ءبىر ايەل ادام دا بولعان. ەكى كۇننەن كەيىن پوليسيا ەكەۋىن دە ۇستاپ، "ارازدىقتى قوزدىرۋ" بابى بويىنشا قىلمىستىق ءىس قوزعاعان.
كەيىننەن الەۋمەتتىك جەلىدە دەنيس رۋدنىيدىڭ كەشىرىم سۇراعان ۆيدەوسى تارادى. ۆيدەودا ول "كەشىرىڭىزدەر، مەن قازاق ەلىمدى جاقسى كورەم" دەگەن بولاتىن.
پىكىر قالدىرۋ