مەرەكە قۇلكەنوۆ جازۋشىلار وداعىنىڭ ءتوراعاسى بولىپ سايلاندى. بۇعان دەيىن وداقتى باسقارعان ۇلىقبەك ەسداۋلەت جازۋشىلار وداعىنىڭ باسشىلىعىنان باس تارتاتىنىن ايتقان بولاتىن.
"جازۋشىلار وپپوزيسيا بولماۋ كەرەك. وپپوزيسيا دەگەن ول مەملەكەت باسشىسىنا قارسى دەگەن ءسوز" - دەدى قۇلكەنوۆ.
ول توقايەۆتى ماقتاپ، مەملەكەت باسشىسى جازۋشىلارعا جاقسى كوڭىل ءبولىپ جاتقانىن ايتتى. سونىمەن قاتار، جازۋشىلاردىڭ جاعدايى جاقسى بولاتىنىن دا مالىمدەدى.
مەرەكە قۇلكەنوۆ — 1951 جىلى 8 قاراشادا اتىراۋ وبلىسى، قىزىلقوعا اۋدانى، قاراباۋ اۋىلىندا تۋعان. قازاقستاننىڭ ەڭبەك سىڭىرگەن قىزمەتكەرى، قازاقستان جازۋشىلار وداعىنىڭ مۇشەسى، الماتى قالالىق ءماسليحاتىنىڭ دەپۋتاتى. قازاقستان رەسپۋبليكاسى پرەزيدەنتى سىيلىعىنىڭ لاۋرەاتى.
ەسكە سالا كەتەيىك، بۇعان دەيىن دۋمان رامازان جازۋشىلار وداعىنىڭ باسشىلىعىنا ءوزىن ۇسىنعان بولاتىن.
پىكىر قالدىرۋ