«تاريح عىلىمى جانە تاريحي تۇلعالار: جاھاندانۋ تەندەنسيالارى» اتتى حالىقارالىق عىلىمي-تاجىريبەلىك كونفەرەنسيا ءوتتى. كونفەرەنسيا پلەنارلىق ماجىلىستەن كەيىن ءۇش سەكسيادا ءوز جۇمىسىن جالعاستىردى:1 سەكسيا «وتاندىق تاريح عىلىمىنىڭ دامۋ تەندەنسياسى» مودەراتور: بەگالييەۆا ا.ك. 2 سەكسيا « تاريحي تۇلعالاردىڭ جاhاندانۋ كونتەكسىندەگى ءرولى »، 3-سەكسيا  « تاريح جانە گۋمانيتارلىق عىلىمدار ساباقتاستىعى جاhاندانۋ تالاپتارى اياسىندا» مودەراتور:ساندىقبايەۆا ءو.د. كونفەرەنسيانىڭ ماقساتى -  الەمنىڭ تۇراقتى دامۋ تۇجىرىمداماسى اياسىنداعى وتاندىق تاريح عىلىمىنىڭ ورنىن انىقتاۋ (تولىعىراق: https://www.kaznu.kz سايتىنان بىلەسىزدەر).

كونفەرەنسياعا قىرعىزستان، وزبەكستان،رەسەي، مونعوليا عالىمدارى مەن باسپاگەرلەر، الماتى، قاراعاندى،استانا،شىمكەنت ت.ب. ۋنيۆەرسيتەتتەرىنىڭ پروفەسسور وقىتۋشى قۇرامى، ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ عالىمدارى قاتىستى.

كونفەرەنسيادا ءسوز سويلەگەن بايانداماشىلار تاريح عىلىمىنىڭ وزەكتى ماسەلەلەرىن، تاريحي تۇلعالاردىڭ ورنى تۋرالى ويلارىن ورتاعا سالدى.

ي.ارابايەۆ اتىنداعى قىرعىز مەملەكەتتىك ۋنيۆەرسيتەتى «ارابايەۆتانۋ» ورتالىعىنىڭ ديرەكتورى، تاريح عىلىمدارىنىڭ كانديداتى ج.ر. بايديلدەيەۆ «قىرعىز-قازاق ينتەلليگەنسيالارىنىڭ بايلانىستارى»، م.ۇلىقبەك اتىنداعى ۇلتتىق ۋنيۆەرسيتەتى «دۇنيە ءجۇزى تاريحى» كافەدراسىنىڭ دوسەنتى، تاريح عىلىمدارىنىڭ دوكتورى حاينازاروۆ ب.ب. «   وزبەكستانداعى ش.ۋاليحانوۆتىڭ عىلىمي مۇراسىنىڭ تاريحي مۇراداعى ورنى»، وسى  ۋنيۆەرسيتەتتىڭ تاريح عىلىمىنىڭ دوكتورى   دۇنيە ءجۇزى تاريحى كافەدراسىنىڭ مەڭگەرۋشىسى تاريح عىلىمدارىنىڭ دوكتورى، پروفەسسور    د.ج. ۋراكوۆ «تاريحي ءبىلىمدى دامىتۋداعى ءال-فارابيدىڭ عىلىمي ەڭبەكتەرىنىڭ ءرولى» اتتى باياندامالارىن وقىدى.

قازاق ۇلتتىق قىزدار پەداگگيكالىق ۋنيۆەرسيتەتىنىڭ دوسەنتى، تاريح عىلىمدارىنىڭ كانديداتى ف.م. شامشيدەنوۆا قازاقستان تاريحناماسىنداعى «جاڭا باعىتتىڭ» ۇستانىمدارى تۋرالى باياندادى. «جاڭا باعىتتاعى» ەڭبەكتەر حح ع. 60-80 جج. بپستالىپ، قازىرگى كەزگە دەيىن جالعاسىپ جاتقانىن سيپاتتادى. جيناقتالعان ەڭبەكتەردى جازۋدا، تاريحي جۋرنالدارداعى پىكىرتالاستاردا تاريحشىلاردىڭ «جاڭا باعىتقا» دەگەن كوزقاراستارىنىڭ ماڭىزدى ەكەنىن، قازىرگى كەزدە عىلىمنىڭ قوعام ومىرىندەگى ءرولىنىڭ وزگەرۋىمەن جاڭا تۇرعىدان قاراۋ باستالىپ، جەكە ادامنىڭ تۇتاس الەۋمەتتىك قاتىناس جۇيەسىندەگى كولەمدى تۇردە كورسەتۋگە مۇمكىندىك بار،  بۇل تاريحي پەرسوناليستيكانى تەرەڭ قاراستىرۋعا ىنتالاندىراتىنىن اتاپ ءوتتى..

تۇران ۋنيۆەرسيتەتىنىڭ پروفەسسورى، ەكونوميكا عىلىمدارىنىڭ كانديداتى ب. بولسانبەك «تاريحىمىزدا «وففلاين» جۇزەگە اسقان «جەتى اتا زەردەسىن» «ونلاين» جۇزەگە اسىرۋ مۇمكىندىگى» اتتى بايانداماسىنىڭ جاڭالىعى جىگىتتىڭ ءۇش جۇرتى «ءوز جۇرتى، ناعاشى جۇرتى، جيەن جۇرت» بولاتىنىن دالەلدەدى. قايىن جۇرت ايەلى جاعى بولعاندىقتان، ول جىگىتتىڭ جۇرتىنا جاتپايدى دەپ تۇيىندەدى.

ە.ا.بوكەتوۆ اتىنداعى قاراعاندى ۋنيۆەرسيتەتى دۇنيە ءجۇزى تاريحى جانە حالىقارالىق قاتىناستار كافەدراسىنىڭ اعا وقىتۋشىسى ي.د. حلەبنيكوۆ «تاريح عىلىمىنداعى الەۋمەتتىك مادەني قاۋىمداستىق ۇعىمى: كونسەپتۋالدى اسپەكت» اتتى بايانداماسىندا دەيدەولوگيزاسيالانۋدىڭ عىلىمعا اسەرىن سيپاتتادى.

كونفەرەنسياعا قاتىسقان جاس عالىمداردىڭ ىشىندە ە.ا.بوكەتوۆ اتىنداعى قاراعاندى ۋنيۆەرسيتەتىنىڭ پەداگوگيكا عىلىمدارىنىڭ ماگيسترى ەدگينا گ.ت. «جاھاندانۋ كونتەكسىندە تاريحي تۇلعالاردىڭ ءرولى» اتتى بايانداماسىندا مەرزىمدى باسپا ءسوز دەرەكتەرى نەگىزىندە ن.ءا. نازاربايەۆتىڭ تۇلعا، كوشباسشى رەتىندەگى دامۋ ەۆوليۋسياسىنا تالداۋ جاسادى. كونفەرەنسيا ونلاين جانە وففلاين پلاتفورماسىندا ءوتتى.

بەگالييەۆا ا.ك.

ءال-فارابي اتىنداعى قازاق ۇلتتىق

ۋنيۆەرسيتەتى، جوعارى وقۋ ورنىنا

دەيىنگى فاكۋلتەتىنىڭ اعا وقىتۋشىسى

نارالييەۆا ر.ت. ءال-فارابي اتىنداعى قازاق ۇلتتىق ۋنيۆەرسيتەتى

جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ اعا وقىتۋشىسى