اباي وبلىسىنداعى ءورت ورنىنا توتەنشە جاعدايلار ۆيسە-مينيسترى گەنەرال-مايور مارات كۇلدىكوۆ باردى، دەپ حابارلادى ۆەدومستۆونىڭ باسپا ءسوز قىزمەتى.
ەسكە سالا كەتەيىك، 22 مامىردا ساعات 15:25-تە اباي وبلىسىنىڭ بورودۋليحا اۋدانىندا اۋىل ستانسياسىنان 7 كم قاشىقتىقتا قۇرعاق ءشوپ تۇتانىپ، كەيىننەن "سەمەي ورمانى" رەزەرۆاتى اۋماعىنا كوشتى. ءورتتىڭ جالپى اۋماعى 1500 گا. ورمان القابىندا قۇرعاق ءشوپ جانىپ جاتىر.
"ەلدى مەكەندەرگە تونگەن قاۋىپكە بايلانىستى بەرەزوۆكا شيپاجايى مەن بەرەزوۆكا پودحوزىنان 277 ادام ءوز بەتىنشە تۋىستارىنا ەۆاكۋاسيالاندى"، - دەپ تولىقتىردى تجم.
ورمان ءورتىن سوندىرۋگە بارلىعى 109 بىرلىك تەحنيكا (ونىڭ ىشىندە 1 ءورت پويىزى) جانە 2 تىكۇشاق، سونداي-اق 434 ادام جۇمىلدىرىلدى. تاۋلىگىنە 2 تىكۇشاقپەن بارلىعى 59 157،5 توننا سۋ توگىلدى.
پىكىر قالدىرۋ