Freedom House بۇرىندارى كوممۋنيستىك يدەولوگيامەن ءومىر سۇرگەن ورتالىق ەۋروپا، بالقان تۇبەگى مەن ەۋرازيانىڭ 29 ەلىندەگى جاعدايعا باعا بەردى.

مەملەكەتتەردەگى دەموكراتيا دەڭگەيى ۇلتتىق دەموكراتيالىق باسقارۋ، سايلاۋ پروسەسى، ازاماتتىق قوعام، تاۋەلسىز ب ا ق، جەرگىلىكتى دەموكراتيالىق باسقارۋ جانە سىبايلاس جەمقورلىق  بويىنشا باعالانادى. بۇل جولى ءبىرقاتار ەلدەر "كۇشەيتىلگەن اۆتوريتارلىق رەجيمنىڭ" تومەنگى ساناتىندا قالدى. ولاردىڭ اراسىندا بەلارۋس، ءازىربايجان، رەسەي جانە ورتالىق ازيا ەلدەرى بار.

"بەلارۋسسيادا، قازاقستاندا، قىرعىزستاندا، تاجىكستاندا جانە وزبەكستاندا ازاماتتىق قوعامعا قىسپاق جاسالاتىنى بايقالدى: كەيدە بيلىك نارازىلىق بىلدىرگەندەرگە زورلىق–زومبىلىق كورسەتسە، كەيدە ۇستالعانداردى ازاپتاعان. تۇركىمەنستان مەن ءازىربايجان ازاماتتارىنىڭ بيلەۋشى ەليتا نەپوتيزمىنەن زارداپ شەگۋى مەن رەسەيدەگى سوعىسقا قارسىلىق بىلدىرگەندەرگە قارسى رەپرەسسيا دەموكراتيانىڭ قۇلدىراۋىنا اكەلدى"، – دەلىنگەن باسىلىمدا.

قازاقستاندا دەموكراتيا يندەكسى وتكەن جىلدان بەرى تومەندەپ، بىردە–ءبىر كورسەتكىش بويىنشا العا ىلگەرىلەمەگەن.

ساراپشىلاردىڭ ايتۋىنشا، قاڭتار وقيعاسىنان كەيىن جاعداي بۇرىنعىدان دا قاتتى ناشارلاعان. قازاقستان بيلىگى ءوز ۋادەلەرىن ورىندامادى، ال جاڭاوزەن تۇرعىندارىنىڭ نارازىلىعى بىردەن ساياسي تالاپتارعا اينالدى. وسى جاعدايلاردى ەسەپتەگەندە، بارلىق ساناتتار بويىنشا ەلدەگى دەموكراتيا يندەكسى ەڭ تومەنگى دەڭگەيگە جاقىن.