قوعام بەلسەندىسى، جۋرناليست دۋمان مۇحامەدكارىمنىڭ ۇستىنەن ق ر قك 405-بابى ("ەكسترەميستىك ۇيىمنىڭ قىزمەتىنە قاتىسۋ جانە ۇيىمداستىرۋ") بويىنشا قىلمىستىق ءىس قوزعالۋى مۇمكىن. بۇل تۋرالى ادۆوكات عالىم نۇرپەيىسوۆ حابارلادى.
بۇدان بولەك جۋرناليست دينارا ەگەۋبايەۆا الەۋمەتتىك جەلىدە دۋمان مۇحامەدكارىمنىڭ تۇرمەدە جازعان حاتىن جاريالادى.
"ارمىسىزدار، اعايىن! اسىعىس جازىلعان حات. قىسقا عانا قايىرايىن. ماعان ەكسترەميزم تۇگىل تەرروريزم ىلسە دە ايتقانىمنان قايتپايمىن. ۇرى – بيلىك، ۇرى – جۇيە قۇلاسىن! بۇل ەلدى ەۆوليۋسيا ەمەس، تەك ريەۆوليۋسيا وزگەرتەدى. بۇعان ءتابارىش توقايەۆتىڭ ءوزى يتەرمەلەپ وتىر. ديۆاننان تۇرۋعا دايىن بولايىق!"، - دەپ جازعان حاتتا دۋمان مۇحامەدكارىم.
ەسكە سالساق، جۋرناليست 2 مامىردا تاعى 25 تاۋلىككە قاماۋعا الىنعان بولاتىن. بۇدان بۇرىن ادۆوكات عالىم نۇرپەيىسوۆ ابليازوۆپەن سۇحباتى ءۇشىن جۋرناليست جاۋاپقا تارتىلۋى مۇمكىن ەكەنىن ايتقان.
پوسموترەت ەتۋ پۋبليكاسيۋ ۆ Instagram
پىكىر قالدىرۋ