"قازاقستان حالقىنا" قوعامدىق قورىنداعى قىزمەتكەرلەردىڭ ورتاشا جالاقىسى 380 مىڭ تەڭگەنى قۇرايدى. بۇل كورسەتكىش ءبىر جىلدا 1،5 ەسەگە جۋىق تومەندەگەن.
"قورداعى ورتاشا جالاقى وتكەن جىلمەن سالىستىرعاندا تومەندەدى. وتكەن جىلى – 565 مىڭ بولسا، ءقازىر 380 مىڭ تەڭگە بولدى"،– دەدى باسقارما مۇشەسى سوفيا ايساعالييەۆا .
بيىل قورداعى قىزمەتكەرلەر سانى 47 گە جەتكەن.
"بۇعان دەيىن قوردا 25 ادام بولسا، ءقازىر 47 ادام بار. نەگىزى وتكەن جىل ءبىز ءۇشىن قالىپتاسۋ جىلى بولدى. ەندىگى مىندەتىمىز – اكىمشىلىك شىعىنداردى ۇلعايتپاۋ"، – دەدى سوفيا ايساعالييەۆا.
ەسكە سالا كەتەيىك، 2022 جىلعى ستاتيستيكا بويىنشا قازاقستانداعى ورتاشا جالاقى مولشەرى 285 433 تەڭگەنى قۇرايدى.
پىكىر قالدىرۋ