رەجەپ تايىپ ەردوعاننىڭ قارسىلاسى كەمال كىلىچداروگلۋ تۇركيادا وتكەن پرەزيدەنت سايلاۋىن "ەل تاريحىنداعى ەڭ ادىلەتسىز سايلاۋ" دەپ اتادى.
ول انكارادا سويلەگەن سوزىندە داۋىستىڭ ادىلەتسىز سانالعانىن ايتىپ، اۆتوريتارلى جۇيەنى اۋىستىرۋ ءۇشىن ءارى قاراي كۇرەسە بەرەتىنىن مالىمدەدى.
"ماعان داۋىس بەرگەن 25 ميلليوننان استام ازاماتتىڭ كۇشتى بولىپ قالا بەرگەنىن قالايمىن. ءبىز وسىندامىز، ءبىزدىڭ مارش جالعاسادى. ءبىز دەموكراتيا ءۇشىن كۇرەسىمىزدى جالعاستىرا بەرەمىز. مەن بۇل كۇرەسكە سىزدەردىڭ دە قاتىسۋلارىڭىزدى سۇرايمىز. ءقازىر ءبىر ادامنىڭ ءبىزدى دەموكراتيادان ايىرعانىن كورىپ وتىرمىز"، – دەدى ساياساتكەر.
ول تۇركيادا دەموكراتيا ءىس جۇزىندە ۇستەمدىككە يە بولمايىنشا كۇرەسە بەرەتىنىن قوسىپ ءوتتى.
ەسكە سالا كەتەيىك، 28 مامىردا تۇركيانىڭ جوعارعى سايلاۋ كوميسسياسىنىڭ باسشىسى احمەت يەنەر پرەزيدەنت سايلاۋىنىڭ ەكىنشى كەزەڭىندە رەدجەپ تايىپ ەردوعاننىڭ جەڭىسكە جەتكەنىن حابارلادى. ول 52 پايىز داۋىس جيناعان. ال كىلىچداروگلۋعا سايلاۋشىلاردىڭ 47،86 پايىزى داۋىس بەرگەن بولاتىن.
پىكىر قالدىرۋ