بيىلعى جىلى "ەر ەسىمى – ەل ەسىندە" ("باتىرلارعا تاعزىم") جىل سايىنعى اكسياسى ونلاين فورماتتا ارنايى اتتاس پلاتفورمادا https://batyrlargatagzym.el.kz وتەدى، ول قازاقستاندىق باتىرلار تۋرالى بارلىق اقپاراتتى كورسەتۋگە مۇمكىندىك بەرەدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالالىق ارداگەرلەر كەڭەسىنىڭ وكىلدەرى حابارلادى. 9 مامىردا الماتىدا وتەتىن ونلاين-شەرۋگە بارلىعى قوسىلا الادى.
"ءبىزدىڭ ونلاين-اكسيانى وتكىزۋدە تاجىريبەمىز جەتكىلىكتى دارەجەدە. 2020-2021 جىلدارداعى كارانتيندىك شەكتەۋلەر كەزىندە وسىنداي اكسيا ءدال وسى فورماتتا وتكەن. اكسيانى ءداستۇرلى فورماتتا وتكىزۋ ۇنەمى قوعامدىق قاۋىپسىزدىكتىڭ بەلگىلى ءبىر كەلەڭسىز جاعدايلارىنا الىپ كەلەتىنى جاسىرىن ەمەس. سونىمەن قاتار، قالانىڭ ورتالىق كوشەلەرىنىڭ بىرىندەگى قوزعالىستىڭ جابىلۋى اۆتوكولىك يەلەرى مەن جاقىن ماڭداعى ءۇي تۇرعىندارى ءۇشىن قولايسىزدىقتار تۋعىزادى"، - دەدى "اۋعانستان ارداگەرلەر وداعى " قوعامدىق بىرلەستىگىنىڭ ءتوراعاسى، الماتى قالالىق ارداگەرلەر كەڭەسى ءتوراعاسىنىڭ ورىنباسارى مۇرات ابدۋشۋكۋروۆ.
ايتا كەتۋ كەرەك، ونلاين-اكسيالارعا قالا تۇرعىندارى بەلسەندى قاتىسا وتىرىپ ونى قولدايدى.
بيىل مەكتەپتەر مەن كوللەدجدەردە، بەيبىت ۋاقىتتا ەرجۇرەكتىك پەن باتىلدىق تانىتقان اسكەري قىزمەتشىلەر، ارداگەرلەر، قاتارداعى ازاماتتاردى شاقىرۋمەن، تاقىرىپتىق "باتىلدىق ساباقتارى"، سونداي-اق بالالاردى ءارتۇرلى اسكەر بولىمدەرىمەن تانىستىرۋ بويىنشا ساباقتار وتەتىنىن حابارلايمىز.
المالى اۋداندىق ارداگەرلەر كەڭەسىنىڭ ءتوراعاسى باتاي قابىلوۆ "ارداگەرلەرگە تاعزىم" قايىرىمدىلىق اكسياسى اياسىندا ۇلى وتان سوعىسىنىڭ قاتىسۋشىلارى مەن مۇگەدەكتەرى، ۇيدە قىزمەت كورسەتەتىلەتىن جانە مەديسينالىق-الەۋمەتتىك مەكەمەلەردەگى تىل ەڭبەككەرلەرىن قۇتتىقتاۋ جوسپارلانعانىن ايتتى.
سونىمەن قاتار، سوعىس ارداگەرلەرىن جانە ولارعا تەڭەستىرىلگەن ساناتتاعى ادامداردى، ونىڭ ىشىندە ۇيدە كەشەندى الەۋمەتتىك-مەديسينالىق تەكسەرۋ ايى جالعاسۋدا. سونداي-اق دارىلىك پرەپاراتتاردى ۇلى وتان سوعىسىنىڭ جالعىزباستى جانە جالعىز تۇراتىن قاتىسۋشىلارى مەن مۇگەدەكتەرىنە ۇيگە جەتكىزۋ جۇزەگە اسىرىلادى.
اقساقالدار الماتى تۇرعىندارى مەن قوناقتارىن ارانداتۋشىلىققا بەرىلمەۋگە، قوعامداعى كەلىسىم مەن ءوزارا سىيلاستىقتى ساقتاۋعا شاقىردى.
"9 مامىر - ءبىزدىڭ ورتاق مەرەكەمىز. بۇل كۇندەرى ريزاشىلىق ءبىلدىرىپ، سوعىس ارداگەرلەرىن قۇرمەتتەپ، بىرلىكتى كورسەتۋىمىز كەرەك"، - دەدى.
پىكىر قالدىرۋ