جۋرناليست قانات تىلەۋحان مارقۇم بولات اتابايەۆ تۋرالى دەرەكتى فيلم ءتۇسىرۋدى جوسپارلاپ وتىر. بۇل تۋرالى ءجۋرناليستىڭ ءوزى فەيسبۋك پاراقشاسىندا جازدى.
"باتىستا كراۋدفا́ندينگ دەگەن ۇعىم بار ەكەن. قىسقاسى، قازاقشا ايتقاندا اسار عوي. ءبىر جوباعا توقايلاسىپ قارجىلىق جاردەم كورسەتۋ. تۇتاس ءبىر ارناعا اقشا سۇراۋ ابەستىك بولار.
مەن دەرەكتى فيلمنەن باستاماق ويعا بەكىدىم. كۇرەسكەر رەجيسسەر بولات اتابايەۆ جايلى دەرەكتى فيلم تۇسىرۋگە ىقىلاستىمىن. اتى – «مىڭ جىلدىق ويىن». تەاتر ونەرى مىڭجىلدىق ويىن. ديكتاتورلاردىڭ حالىقپەن ويىنى مىڭ جىلدىق ويىن ەمەي نەمەنە؟! جاڭا جوبانىڭ كونسەپسياسىن تولىق جازۋ شارت ەمەس دەپ ويلايمىن. ءبىراق جاقسى دۇنيە جاساپ شىعۋعا بارىمىزدى سالامىز"، دەپ جازدى قانات تىلەۋحان.
جۋرناليست اتالعان دەرەكتى ءفيلمدى ءتۇسىرۋ ءۇشىن شامامەن 3 ملن تەڭگە جۇمسالاتىنىن ايتتى.
"سەناريي، جول شىعىنى، رەداكتورلىق جۇمىس، ت.ب. ۇساق جۇمىس – 0 تەڭگە. ەگەر بىرىگىپ «مىڭ جىلدىق ويىندى» تۇسىرەمىز دەسەڭىزدەر كاسپي مىنا نومىردە: 8775 648 09 87.
قالتالى ءھام كاسىپكەر جىگىتتەرگە حابارلاستىم. وكىنىشكە قاراي بىزدە دەرەكتى كينونى قولداۋ جاعى جوق. كوبىنە اس، كوكپار، بايگە ت.ب شارالارعا بۇيرەگىمىز بۇرىلىپ تۇرادى ەكەن"، دەيدى ول.
پىكىر قالدىرۋ