2023 جىلعا 517،5 ملن تەڭگە سوماسىنا 375 گرانت بەرۋ جوسپارى بەكىتىلدى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا كاسىپكەرلىكتى قولداۋ شارالارى تۋرالى الماتى قالاسىنىڭ جۇمىسپەن قامتۋ ورتالىعىنىڭ ديرەكتورى ساعىندىق كەنجەبايەۆ ايتىپ بەردى. بيزنەس-يدەيالاردى ىسكە اسىرۋعا ارنالعان گرانتتار الەۋمەتتىك وسال توپتاردىڭ ازاماتتارى ءۇشىن بولىنەتىن بولادى. بۇگىنگى تاڭدا كوميسسيا 1059 ءوتىنىمدى قارادى، ونىڭ 94 – ءى ماقۇلداندى، 965 ءوتىنىش قابىلدانبادى. "400 ەسەلەنگەن ايلىق ەسەپتىك كورسەتكىش (1 380 000 تەڭگە) مولشەرىندەگى مەملەكەتتىك گرانت - جاڭا بيزنەستى باستاۋ جانە دامىتۋ ءۇشىن قايتارىمسىز نەگىزدە بەرىلەتىن باستاپقى كاپيتال"، — دەدى س.كەنجەبايەۆ.

سپيكەردىڭ مالىمەتىنشە، گرانتتار كەلەسى باعىتتاردا قولدانۋ ءۇشىن بەرىلەدى: ەڭبەك قۇرالدارىن، تەحنولوگيالىق جابدىقتى، جانۋارلاردى، مالداردى، قۇستاردى، كوشەتتەردى، بۇتالاردى، تۇقىمداردى، كوشەتتەردى ساتىپ الۋ، ءۇي-جايلاردى جالعا الۋ اقىسىن تولەۋ.                                                                                                                 

گرانتتار تۇتىنۋشىلىق ماقساتتارعا، كرەديتتىك قارىزداردى وتەۋگە، جىلجىمايتىن تۇرعىن ءۇي ساتىپ الۋعا جانە سالۋعا، جەر ۋچاسكەلەرىن ساتىپ الۋعا، اكسيزدەلەتىن ونىمدەر وندىرۋگە بەرىلمەيدى.

گرانتتار الۋدىڭ نەگىزگى شارتتارى:

گرانت الۋشى ءتيىس:

1. جۇمىسپەن قامتۋدىڭ مىناداي ساناتتارىنىڭ بىرىنە جاتۋ: • تىركەلگەن جۇمىسسىزدار • جەكە كاسىپكەرلەر (3 جىلعا دەيىن)

2. كەلەسى الەۋمەتتىك ساناتتاردىڭ بىرىنە جاتۋ: • كوپ بالالى تۇلعالار-كوپ بالالى جاردەماقى الۋشىلار (جۇبايى، زايىبى)  • قونىس اۋدارۋشىلار جانە ولاردىڭ ەڭبەككە قابىلەتتى وتباسى مۇشەلەرى • مۇمكىندىگى شەكتەۋلى بالانى تاربيەلەۋشى جاردەماقى الاتىن ادامدار (جۇبايى، زايىبى) • اتاۋلى الەۋمەتتىك كومەك الۋشى از قامتىلعان ادامدار جانە ولاردىڭ وتباسى مۇشەلەرى • اسىراۋشىسىنان ايرىلۋ جاعدايى بويىنشا الەۋمەتتىك جاردەماقى الۋشىلار • كانداس قولدانىستاعى مارتەبەسى بار ادامدار • مۇمكىندىگى شەكتەۋلى ادامدار

3. «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ تۋرالى سەرتيفيكاتىنىڭ بولۋى. (وقۋدى ونلاين تۇردە skills.enbek.kz پورتالى ارقىلى وتۋگە بولادى)

4. مارتەبەسىن تەكسەرۋ ساتىندە ەرىكتى تۇردە قونىس اۋدارۋعا قاتىسۋشىلاردان باسقا (وڭتۇستىكتەن سولتۇستىككە قاراي)جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسۋشى بولىپ تابىلماۋ.                                                         

"گرانت الۋعا كانديداتتاردىڭ ءوتىنىشى مەن بيزنەس-جوباسىن حالىقتى جۇمىسپەن قامتۋ ورتالىعى، "اتامەكەن" وڭىرلىك كاسىپكەرلەر پالاتاسى، جەرگىلىكتى اتقارۋشى ورگاندار، قوعامدىق بىرلەستىكتەر، ءعىلىمي-بىلىم بەرۋ مەكەمەلەرى وكىلدەرىنىڭ، بيزنەس، وڭىرلىك بۇقارالىق اقپارات قۇرالدارى وكىلدەرىنىڭ، سالالىق ساراپشىلاردىڭ قاتىسۋىمەن قۇرىلعان كوميسسيانىڭ وتىرىسىنا قاراۋعا شىعارادى. حالىقتى جۇمىسپەن قامتۋ ورتالىعى ونىڭ قۇرامىنا كىرمەيدى جانە شەشىم قابىلداۋ كەزىندە داۋىس بەرمەيدى."، - دەپ تولىقتىردى سپيكەر. سونداي-اق، گرانت العان ساتتەن باستاپ باستى شارت جەكە كاسىپكەر رەتىندە تىركەلۋ بولىپ تابىلادى (ءۇش اي ىشىندە جك تىركەۋ قاجەت). گرانتقا ءوتىنىش بەرۋ ءۇشىن business.enbek.kz. پورتالىنا تىركەلۋ قاجەت.

بارلىق سۇراقتار بويىنشا حالىقتى جۇمىسپەن قامتۋ ورتالىعىنا، دوستىق داڭعىلى 85، "الەۋمەتتىك قىزمەتتەر ءۇيى" مەكەنجايى بويىنشا نەمەسە 310-47-82 ءبىرىڭعاي ءنومىرى بويىنشا حابارلاسۋعا بولادى.